'பேட்ட' திரைப்படத்திற்குப் பிறகு நடிகர் ரஜினிகாந்திற்கான வரவேற்பு புத்துயிர் பெறத் தொடங்கியுள்ளது. ஏஆர் முருகதாஸ் இயக்கும் 'தர்பார்' படத்தில் ரஜினிகாந்த் போலிஸ் கதாபாத்திரத்தில் தோன்றி ரசிகர்களை மகிழ்விக்கப் போகிறார் என்பதைப் படத்தின் முதற்பார்வை சுவரொட்டி கோடிகாட்டுகிறது.
இந்தச் சுவரொட்டியை 'லைக்கா புரொடக்ஷன்ஸ்' திரைப்படத் தயாரிப்பு நிறுவனம் செவ்வாய்க்கிழமை (ஏப்ரல் 9) வெளியிட்டது.
'சந்திரமுகி' (2005), குசேலன் (2008) ஆகிய திரைப்படங்களுக்குப் பிறகு நயன்தாரா இந்தத் திரைப்படத்தில் ரஜினிகாந்துடன் மீண்டும் இணைந்து நடிக்கிறார்.
மற்ற நடிகர்களின் பெயர்கள் இன்னும் வெளியிடப்படவில்லை.