‘அபூர்வ­மான மனு‌ஷி சாய் பல்லவி’

படம் வெற்றியோ தோல்வியோ வரவேண்­டிய சம்ப­ளத்தை ஒட்டுமொத்தமாகக்­ கறந்­து­விட்டு மறுவேலை பார்ப்பது­தான் நடிகர், நடிகைக­ளின் வாடிக்கை. அதி­லும் நடிகர்­களைவிட நடிகைகள் இதில் முதல் இடம்.

ஷர்­வானந்த், சாய் பல்லவி நடிப்­பில் பல கோடி ரூபாய் செல­வில், கடந்த ஆண்டு இறுதி­யில் வெளி­யான தெலுங்குப்­ படம் 'படி படி லேச்சே மனசு'. இந்தப்­ படம் பெரிய அள­வில் வரவேற்பைப்­ பெறாததால் தயாரிப்பாளருக்­குப்­ பல கோடி ரூபாய் நஷ்டம்.

படம் வெளி­யான முதல் நாளே படுதோல்வி என்று அறிவி­க்­கப்பட்டு ரூ.22 கோடிக்கு வியாபார­மான இந்தப்­ படம் ரூ.8 கோடி மட்டுமே வசூல் செய்­தது. படத்­தின் கதாநாயகி சாய் பல்லவிக்கு ஒப்பந்­தத்­தில் சொன்ன சம்ப­ளத்­தில் ஒரு பகுதியை முத­லில் கொடுத்த தயாரிப்பாளர் மீதமுள்ள ரூ.25 லட்­சத்தை பட வெளியீட்டுக்­குப்­ பிறகு தருவதாக வாக்­குறுதியளித்­திருந்­தார்.

இந்நிலை­யில் படம் தோல்வியடைந்தா­லும் சாய் பல்லவி­யின் மீதிச்­ சம்ப­ளத்தைத்­ தர அவர் முன்வந்­தார். ஆனால் தற்போதைய நிலைமை­யில் தன்னால் அந்­தத் தொகை­யைப் பெற்றுகொள்ள முடியாது. வசூ­லில் நஷ்டம் ஏற்பட்ட­தில் தானும் பொறுப்பேற்பதாக சாய் பல்லவி தயாரிப்பாளரிடம் கூறியுள்­ளார். அடுத்த முயற்சியாக இந்தப்­ பணத்தை சாய் பல்லவி­யின் பெற்றோரிடம் தர தயாரிப்பாளர் முயன்றுள்­ளார். அவர்­க­ளும் அதை வாங்க மறுத்­துள்­ளார்கள்.

சாய் பல்லவி­யின் இந்தச்­ செயலால் நெகிழ்ந்த தயாரிப்பாளர், "சினிமா­வில் இப்படிப்பட்ட அபூர்வ­மான மனு‌ஷி­க­ளும் இருக்­கத்­தான் செய்கி­றார்கள். என் கஷ்­டத்­தில் பங்­கெடுத்­துக்­கொண்ட அவரை என்னுடைய அடுத்த படத்­தில் மீண்­டும் நாயகியாக்க முடி­வெடுத்து இருக்­கி­றேன்.

"அதனால் அந்தப்­ பணத்தை அவ­ரது அடுத்தப்­ படத்­திற்­கான அட்­வான்சாக வைத்­துக்­கொள்ளச்­ சொல்லி இருக்­கி­றேன்," என்று கூறியுள்­ளார் தயாரிப்பாளர். அந்தப்­ படத்­தில் நடிகர் ராணா நாயகனாக நடிக்­கி­றார் என்பது குறிப்­பி­டத்தக்கது.

இந்தப்­ பதிவை இணை­யத்­தில் பார்த்த சாய் பல்லவி "நான் ரகசியமாகச்­ செய்­தது இப்படி வெளியாகிவிட்டதே," என்று கூறியுள்­ளார்.

தயாரிப்பாளர்க­ளின் கஷ்­டத்தை சாய் பல்லவி போல் மற்ற நடிகர், நடிகை­க­ளும் புரிந்­து­கொண்­டால் திரையுல­கம் ஆரோக்­கியமாக இருக்­கும் என்று கூறுகிறது கோலிவுட்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!