கவுதம் மேனன் இயக்கத்தில் அஜித் நடித்த ‘என்னை அறிந்தால்’ படத்தில் அஜித்துக்கு மகளாக அனிகா நடித்திருந்தார். இந்தப் படத்தில் அவரது நடிப்பு ரசிகர்கள் மத்தியில் நல்ல வரவேற்பைப் பெற்றது.
குறிப்பாக ‘உனக்கென்ன வேணும் சொல்லு’ என்ற பாடல் பெரும்பாலான ரசிகர்களின் மனதைக் கொள்ளை கொண்டது.
இந்த படத்தை அடுத்து அப்பா - மகள் பாசத்தை மையப்படுத்தி உருவான ‘விஸ்வாசம்’ படத்திலும் அனிகா அஜித்துக்கு மகளாக நடித்திருந்தார்.
தற்போது வினோத் இயக்கத்தில் அஜித் நடிக்கும் 60வது படத்திலும் முக்கிய கதாபாத்திரத்தில் அனிகா நடிக்கவுள்ளதாக தகவல்கள் வெளியாகியுள்ளன.
அஜித்தே தனது 60வது படத்தில் அனிகாதான் மகளாக நடிக்க வேண்டும் என்று கூறியுள்ளார்.
இதற்கு ஒரு முக்கியமான காரணம் கூட இருக்கிறது என்று கூறப்படுகிறது.
‘தல’ அஜித்தின் மகள் அனோஷ்காவிற்கு அனிகா நெருங்கிய தோழியாம். இதன் காரணமாக, அவ்வப்போது அஜித்தின் வீட்டிற்கு அனிகா சென்று வருவாராம்.
அனோஷ்கா மட்டுமல்லாமல் ஷாலினிக்கும் அனிகாவும் செல்லப்பிள்ளையாம். இதன் காரணமாக, அஜித் தனது படங்களின் வெற்றிக்கு அனிகாவை ஒரு ராசியாகக் கருதுகிறாராம்.