மாணவர் முரசு
இ-பேப்பர்
இயக்குநர் எஸ்.காளிங்கனின் இயக்கத்தில் புதிய வரலாற்றுப் படம் ஒன்றில் நாயகனாக நடிப்பதற்கு ஒப்பந்தமாகியுள்ள நடிகர் ஆரி, இத்திரைப்படத்தின் கதாபாத்திரத்துக்கு ஏற்றவாறு தனது உடல் எடையை 10 கிலோ குறைத்துள்ளார்.
இவரது ஜோடியாக ஹைதராபாத்தைச் சேர்ந்த பூஜிதா பொன்னாடா நடிக்கிறார்.
‘ரெட்டைச்சுழி’, ‘நெடுஞ்சாலை’, ‘மாயா’, ‘மாலைப் பொழுதின் மயக்கத்திலே’ உள்ளிட்ட பல படங்களில் நடித்துள்ள ஆரி நடிக்கும் புதிய படத்தின் படப்பிடிப்பு பூஜையுடன் தொடங்கியது.
இப்படத்தை அம்மன்யா மூவிஸ் சார்பில் சி.வி மஞ்சுநாதன் தயாரிக்கிறார். எஸ்.காளிங்கன் கதை, திரைக்கதை, வசனம், எழுதி, இயக்குகிறார்.
இது தமிழ் ரசிகர்களுக்கான படமாக மட்டுமின்றி இந்திய ரசிகர்களுக்கான படமாக அதிக பொருட் செலவில் மிக பிரம்மாண்டமாக உருவாக்குவதாக தகவல்.
இத்திரைப்படம் குறித்து தயாரிப்பாளர் சி.வி.மஞ்சுநாதன் கூறுகையில், “இது ஹாலிவுட் பாணியில் தயாராகி வரும் படம். கதையை இயக்குநர் எஸ்.காளிங்கன் என்னிடம் சொன்னதுமே நான் இந்தப் படத்தைத் தயாரிக்க ஒப்புக்கொண்டேன்.
“காரணம் ஹாலிவுட் திரைப்படங்களில் எல்லாம் கற்பனை பாணியிலான சரித்திர படங்கள் அதிகப்படியாக வருகின்றன. ஆனால் தமிழ் சினிமாவில் இத்தகைய திரைப்படங்கள் அதிகம் வருவதில்லை. இந்தக் குறையை இப்படம் நிவர்த்தி செய்யும்.
“இந்தப் படத்தின் கதையை ஆரியிடம் கூறியவுடனே அவரும் நடிப்பதற்கு ஒப்புக்கொண்டார்.
“இந்த படத்திற்காக கடும் உடற்பயிற்சிகள், உணவுக்கட்டுப்பாட்டை பின்பற்றி 10 கிலோ எடையைக் குறைத்துள்ளார் ஆரி. அவரது கடின உழைப்புக்கு சிறந்த பலன் கிடைப்பது நிச்சயம். இப்படத்தின் தலைப்பு விரைவில் அறிவிக்கப்படும்,” என்றார்.
ஆரி கதாநாயகனாக நடிக்கும் புதிய படத்தின் படப்பிடிப்பு சென்னை டி.ஆர்.கார்டனில் தொடங்கியது. இன்னும் தலைப்பு வைக்கப்படாத இந்தப் படத்தில் ஆரியின் ஜோடியாக பூஜிதா பொன்னாடா நடிக்கிறார்.
