ஒருவழியாக ‘மாநாடு’ பட வேலைகள் வேகம் பெற்றுள்ளன. இந்நிலையில், இப்படத்திற்காக சிம்பு தீவிர குத்துச்சண்டை பயிற்சியில் ஈடுபட்டுள்ளார்.
இது தொடர்பான காணொளிப் பதிவு ஒன்றை படக்குழுவினர் வெளியிட்டுள்ளனர். அதில் பயிற்சியாளருடன் சிம்பு குத்துச்சண்டையில் ஈடுபடும் காட்சிகள் உள்ளன.
இதற்கு ரசிகர்கள் மத்தியில் நல்ல வரவேற்பு கிடைத்துள்ளது. ‘மாநாடு’ படத்தை வெங்கட்பிரபு இயக்க, சுரேஷ் காமாட்சி தயாரிக்கிறார். முன்னதாக இப்படத்தில் சிம்பு நடிப்பதாக அறிவித்து பட வேலைகளை தொடங்கினர். ஆனால் திடீரென்று படம் கைவிடப்பட்டது. இப்போது மீண்டும் வேலைகள் துவங்கியுள்ளன.