‘கண்ணா லட்டு தின்ன ஆசையா’ படத்தில் நடித்த நடிகர் சேதுராமன் மாரடைப்பால் நேற்று காலமானார். அவருக்கு வயது 36.
எம்பிபிஎஸ் மருத்துவப் படிப்பை முடித்துள்ள மருத்து வரான சேதுராமன், தோல் சிகிச்சை நிபுணராவார். பல்வேறு மருத்துவம் சார்ந்த விவாதங்களில் பங்கேற்றுள்ளார்.
தோல், சிகை பிரச்சினை களுக்கு ஏராளமான தீர்வுகளை இணையத்தில் வெளியிட்டுள்ளார். இயற்கை சார்ந்த உணவுகளை உட்கொள்ள அறிவுறுத்துவார்.
நடிகர் சந்தானத்துடன் இணைந்து ‘கண்ணா லட்டு தின்ன ஆசையா’ படத்தில் மூன்று கதாநாயகர்களில் ஒருவராக நடித்தார். பின்னர் ‘வாலிபராஜா’ என்ற படத்திலும் நடித்திருந்தார்.
இந்நிலையில் நேற்று அதிகாலை மாரடைப்பால் காலமானார் சேதுராமன். இவருக்கு 2016ஆம் ஆண்டு திருமணமானது. மனைவி உமையாளுடன் சென்னையில் வசித்து வந்தார்.