கோடி, லட்சங்களில் நிதி தந்துள்ள நடிகர்கள்

கொரோனா கிருமி பாதிப்பின் கார­ண­மாக திரைப்­பட படப்­பிடிப்­பு­கள் நிறுத்­தப்­பட்­டி­ருப்­ப­தால் வறு­மை­யில் வாடும் சினிமா தொழி­லா­ளர்­க­ளுக்கு சினிமா பிர­ப­லங்­கள் உதவி செய்யவேண்­டும் என பெப்சி தலை­வர் ஆர்.கே.செல்­வ­மணி கோரிக்கை விடுத்திருந்தார்.

இதையடுத்து நடிகர்கள் ரஜி­னி­காந்த் ரூ. 50 லட்­ச­மும் சூர்யா, கார்த்தி இருவரும் சேர்ந்து ரூ. 10 லட்­ச­மும் விஜய் சேது­பதி, சிவ­கார்த்­தி­கே­யன் தலா ரூ.10 லட்­ச­மும் தனுஷ் ரூ.15 லட்­சமும் என தங்­க­ளால் முடிந்த உத­வி­களை வழங்கி வரு­கின்­ற­னர்.

நடி­கர் ஹரிஷ் கல்­யாண் ஒரு லட்­சம் நிதி கொடுத்­துள்­ளார்.

நடிகை ரோஜா தனது சார்­பில் 150 அரிசி மூட்­டை­களை பெப்­சிக்கு வழங்­கு­வ­தாக அறி­வித்துள்ளார்.

தற்­போது ஐஸ்­வர்யா ராஜே­சும் தனது சார்­பில் ரூ.1 லட்­சம் நிதி வழங்­கு­வ­தாக அறி­வித்துள்ளார்.

இந்நிலையில், கொரோனா நிவா­ரண நிதி அளிப்­ப­தில் டோலி­வுட் நடி­கர்­களும் அதி­க­ள­வில் ஆர்­வம் காட்டி வரு­கின்­ற­னர்.

டோலி­வுட்­டின் பவர் ஸ்டார் நடி­கர் பவன் கல்­யாண் பிர­த­மர் நிவா­ரண நிதிக்­காக ஒரு கோடி ரூபா­யும் ஆந்­திரா, தெலுங்­கானா முதல்­வர் நிதிக்­காக தலா 50 லட்­சம் ரூபாய் என மொத்­தம் கொரோனா நிவா­ரண நிதி­யாக 2 கோடி ரூபாய் கொடுத்து பல நடி­கர்­க­ளுக்கு முன்­னு­தா­ர­ண­மாக இருந்து வரு­கி­றார்.

பவன் கல்­யாணைத் தொடர்ந்து டோலி­வுட்­டின் இளம் நடி­கர்­க­ளான ராம் சரண் 70 லட்­சம் ரூபா­யும் மகேஷ் பாபு ஒரு கோடி ரூபா­யும் அல்லு அர்­ஜுன் 1.25 கோடி ரூபா­யும் கொரோனா கிருமிக்கு எதி­ராகப் போராடி வரும் ஆந்­திரா, தெலுங்­கானா அர­சின் நிவா­ரண நிதிக்­காக வழங்கி உள்­ள­னர்.

இந்­நி­லை­யில், மற்ற டோலி­வுட் நடி­கர்­க­ளைப் பின்­னுக்­குத் தள்­ளும் வகை­யில் பிர­பாஸ், பிர­த­மர் நிவா­ரண நிதிக்கு ரூ.3 கோடி­யும் ஆந்­திரா, தெலுங்­கானா மாநில அர­சின் நிவா­ரண நிதிக்கு தலா 50 லட்­ச­மும் கொடுத்­துள்­ளார். பாகு­பலி நடி­க­ரின் இந்த பரந்த மனதை அவ­ரது ரசி­கர்­கள் மட்­டு­மின்றி­மக்களும் பாராட்டி வரு­கின்­ற­னர்.

இந்­தி­யா­வி­லேயே கொரோனா கிருமி பாதிப்பு கார­ண­மாக அதி­கம் பாதிக்­கப்­பட்­டுள்­ளது கேரள மாநி­லம்தான். ஆனால், மோகன் லால், மம்­முட்டி, பிருத்­வி­ராஜ், துல்­கர் சல்­மான், நிவின் பாலி உள்­ளிட்­டோர் எந்த ஒரு நிதி­யு­த­வி­யும் அளித்­தது போன்ற தக­வல் ஏதும் இன்னும் வெளி­யா­க­வில்லை.