மாணவர் முரசு
இ-பேப்பர்
நடிகர் ஜி.வி. பிரகாஷ், சைந்தவி தம்பதியருக்கு பெண் குழந்தை பிறந்துள்ளது. தாயும் சேயும் நலமாக இருப்பதாக ஜி.வி. தரப்பில் தெரிவிக்கப்பட்டுள்ளது.
இத்தம்பதியர்க்கு திரையுலகினர் வாழ்த்து தெரிவித்து வருகின்றனர்.
கடந்த2013ஆம் ஆண்டு ஜி.வி. பிரகாஷ், சைந்தவி திருமணம் நடைபெற்றது. இந்நிலையில் கடந்தாண்டு சைந்தவி தாய்மையடைந்தார்.
இதையடுத்து ஏப்ரல் 19ஆம் தேதி பிரசவ வலி ஏற்படவே சைந்தவி மருத்துவமனைக்கு அழைத்துச் செல்லப்பட்டார் எனவும் அவருக்கு அழகான பெண் குழந்தை பிறந்திருப்பதாகவும் ஜி.வி. பிரகாஷ் தரப்பு தெரிவித்துள்ளது.
'வெயில்' படம் மூலம் தமிழ் சினிமாவில் இசையமைப்பாளராக அறிமுகமான ஜ.வி. பிரகாஷ் கடைசியாக இசையமைத்த படம் 'அசுரன்'.
தற்போது இசையமைத்துக் கொண்டே பல படங்களில் நாயகனாகவும் அவர் நடித்து வருகிறார். பள்ளியில் படித்தபோது சக மாணவியான சைந்தவியை அவர் காதலித்து திருமணம் செய்துகொண்டார்.