மாணவர் முரசு
இ-பேப்பர்
‘இடம் பொருள் ஏவல்’ படத்தின் வெளியீடு குறித்து புதுத்தகவல் வெளியாகி உள்ளது.
கடந்த 2014ஆம் ஆண்டு இப்படத்தின் படப்பிடிப்பு முடிந்துவிட்டது. பிரபல இயக்குநர் லிங்குசாமியின் திருப்பதி பிரதர்ஸ் இதை தயாரித்திருந்தது.
சீனு ராமசாமி இயக்கத்தில் விஜய் சேதுபதி, நந்திதா, விஷ்ணு விஷால், ஐஸ்வர்யா ராஜேஷ் உள்ளிட்ட பலர் நடித்துள்ளனர்.
படப்பிடிப்பு முடிந்த நிலையில் பொருளாதாரப் பிரச்சினைகளால் வெளியீடு தாமதமானது. அதன் பிறகு சீனு ராமசாமி வேறு படங்களை இயக்கி உள்ளார்.
இந்நிலையில் லிங்குசாமி தனது பொருளாதாரப் பிரச்சினைகளில் இருந்து மீண்டுள்ளதை அடுத்து, ‘இடம் பொருள் ஏவல்’ படம் வரும் ஜூன் மாதம் வெளியாகும் என தகவல் பரவியது. இதை தயாரிப்புத் தரப்பு மறுத்துள்ளது.
திருப்பதி பிரதர்ஸ் நிறுவனத்தைச் சேர்ந்த சுபாஷ் சந்திரபோஸ் கூறுகையில், ஊரடங்கு முடிந்த பின்னர் விநியோகிப்பாளர்கள் மற்றும் திரையரங்க உரிமையாளர்களுடன் கலந்து பேசி படத்தை எந்த தேதியில் வெளியிடுவது என்று முடிவு செய்யப்படும் என்றார்.
மேலும் தற்போது வெளியான தகவல் வெறும் வதந்தி என்றும் யாரும் இதை நம்ப வேண்டாம் என்றும் அவர் குறிப்பிட்டுள்ளார்.
