ஆர்.டி.எம். இயக்கத்தில் சுரேஷ், ரவீனா ரவி நடிப்பில் உருவாகி இருக்கும் படம் ‘காவல்துறை உங்கள் நண்பன்’.
மைம் கோபி முக்கியமான கதாபாத்திரத்தில் நடித்துள்ளார். ஆதித்யா, சூர்யா இசையமைக்கும் இப்படத்திற்கு விஷ்ணு ஸ்ரீ ஒளிப் பதிவு பணிகளை மேற்கொண்டுள்ளார்.
இன்றைய சமூகத்தில் பெண்கள் எதிர்கொள்ளும் பிரச்சினைகளை மையமாக வைத்து கதைக்களம் அமைக்கப்பட்டுள்ளதாம்.
“காவல்துறை அதிகாரி ஒருவருக்கும், இணையம் வழி வாங்கப்படும் உணவை வாடிக்கையாளர்களிடம் கொண்டு சேர்க்கும் ஊழியருக்கும் இடையில் நடைபெறும் நிகழ்வுகளைக் கொண்டு காட்சிகளைக் கோர்த்துள்ளோம்.
“இந்த நிகழ்வுகளின் பின்னணியில் பல சுவாரசியங்களும் திடீர் திருப்பங்களும் இடம் பெற்றிருக்கும். அதனால் காட்சிகள் விறுவிறுப்பாக நகரும்.
“அதே நேரம் மக்களை ஈர்க்க கூடிய வகையில் கமர்ஷியல் அம்சங்கள் நிறைந்ததாகவும் படம் இருக்கும். திரையரங்கில் பார்க்கும் அனுபவம் கூடுதல் சுவாரசியம் அளிக்கும்,” என்கிறார் இயக்குநர்.
கொரோனா ஊரடங்குக்கும் முன்பே வெளியாகி இருக்க வேண்டியதாம்்். அனைத்துப் பணிகளும் முடிவடைந்திருப்பதால் ஊரடங்கு முடிவுக்கு வந்த கையோடு படம் வெளியாகிறது.