மாளவிகா: ஆபா­சப் பேச்­சு­க­ளை ஏற்க இய­லாது

‘மாஸ்­டர்’ படம் வெளி­யா­கும் முன்பே அதன் நாயகி மாள­விகா மோக­ன­னுக்­குப் பல்­வேறு வாய்ப்­பு­கள் குவிந்து வரு­கின்­றன.

இந்­நி­லை­யில் அதி­ரடி சண்­டைக்­காட்­சி­கள் நிறைந்த படத்­தில் நடிக்க அவர் ஒப்­பந்­த­மாகி உள்­ளா­ராம். நடிகை ஸ்ரீதே­வியை வைத்து ‘மாம்’ (MOM) படத்தை இயக்­கிய ரவி உத்­ய­வார் இப்­ப­டத்தை இயக்கு­கி­றார்.

சண்­டைக்­காட்­சி­க­ளுக்­காக பல்­வேறு தற்­காப்­புக் கலை­களை ஓர­ள­வே­னும் கற்­றுக்­கொண்­டால் நல்­லது என இயக்­கு­நர் அறி­வு­றுத்­தவே, தற்­போது இணை­யம் மூலம் ‘குங்ஃபூ’ உள்­ளிட்ட கலை­க­ளைக் கற்று வரு­கி­றா­ராம் மாள­விகா.

இதற்­கி­டையே அண்­மைய பேட்டி ஒன்­றில் தேவை­யற்ற நக்­கல், நையாண்டி, ஆபா­சப் பேச்­சு­க­ளைத் தம்­மால் ஏற்க இய­லாது என்று அவர் குறிப்­பிட்­டுள்­ளார்.

பெண்­க­ளுக்கு எதி­ரான பேச்­சு­களை அனைத்­துத் தரப்­பி­ன­ரும் தட்­டிக்­கேட்க வேண்­டும் என்று வலி­யு­றுத்­தும் இந்த இளம் நாயகி, சமூக வலைத்­த­ளங்­களில் பெண்­களை ஒரு தரப்­பி­னர் கேலி செய்­வது வருத்­தம் அ­ளிப்­ப­தா­கச் சொல்­கி­றார்.

“பெண்­கள் சமைப்­ப­தற்கு மட்­டுமே லாயக்கு என்­ப­து­போல் சிலர் கருத்­துத் தெரி­விக்­கி­றார்­கள். அது தவறு. பெண்­கள் என்ன வேலை வேண்­டு­மா­னா­லும் செய்­ய­லாம். அதற்­கு­ரிய தகுதி பெண்­க­ளுக்கு உள்­ளது என்­பது அழுத்­தம் திருத்­த­மாக சொல்­லப்­பட வேண்­டும்.

“அத­னால்­தான் ‘மாஸ்­டர்’ படத்­துக்­காக ஒரு ரசி­கர் உரு­வாக்­கிய சுவ­ரொட்டி என்­னைப் பாதித்­தது.

“அதில் ‘மாஸ்­டர்’ படக்­கு­ழு­வி­னர் ஊர­டங்­கின்­போது என்ன செய்து கொண்­டி­ருப்­பார்­கள் என்ற கற்­ப­னை­யின் அடிப்­ப­டை­யில் நான் வீட்­டில் சமைத்­துக் கொண்டி­ருப்­ப­தாக சித்­தி­ரித்­தி­ருந்­தார்.

“உண்­மை­யில் அந்­தச் சுவ­ரொட்­டியை உரு­வாக்கி­ய­வர் இனி­மை­யா­ன­வர். தவ­றான நோக்­கத்­து­டன் அப்படிச் செய்­ய­வில்லை. எனி­னும் அது என்­னைப் பாதித்­தது,” என்­கி­றார் மாள­விகா.

பாலி­னப் பிர­தி­நி­தித்­து­வம் முக்­கி­யம் என்று குறிப்­பி­டும் அவர், ஆண்­கள் மட்­டும் வெவ்­வேறு வேலை­களைச் செய்து கொண்­டி­ருக்­கும்­போது அவர்­க­ளுக்கு மத்­தி­யில் ஒரு பெண் சமைத்­துக் கொண்­டு­தான் இருக்­க­வேண்­டுமா? என்று கேள்வி எழுப்­பு­கி­றார்.

இத்­த­கைய எண்­ணங்­களும் கருத்­து­களும் மக்­க­ளின் ஆழ்­ம­ன­தில் பதிந்து விட்­ட­தா­கக் குறிப்­பி­டு­ப­வர், இதை மாற்­ற­வேண்­டும் எனும் நோக்­கத்­து­ட­னேயே தாம் அந்­தச் சுவ­ரொட்­டியை உரு­வாக்­கி­ய­வ­ருக்கு எதிர்ப்­புத் தெரி­வித்­த­தா­கக் கூறு­கி­றார்.

“இத­னால் எழக்­கூ­டிய எதிர்­வி­னை­கள் குறித்து நன்கு அறிந்­துள்­ளேன். என்­னால் தேவை­யற்ற நக்­கல், நையாண்­டிப் பேச்­சு­களை ஏற்க இய­லாது. ஆபா­ச­மாக கருத்து தெரி­வித்­தால் அதைக் கண்­டிக்­கி­றேன்,” என்­கி­றார் மாள­விகா.

சமூக வலைத்­த­ளங்­களில் நடி­கை­க­ளின் உரு­வத்­தை­யும் குணத்­தை­யும் வைத்து சிலர் கேலி­யான பதி­வு­களை வெளி­யி­டு­வ­தா­கச் சுட்­டிக்­காட்­டு­ப­வர், பொது விஷ­யங்­கள் குறித்து நடி­கை­கள் தெரி­விக்­கும் கருத்து ­க­ளை­யும் சிலர் கேலிக்­குள்­ளாக்­கு­வ­தா­கக் கோபப்­ படு­கி­றார்.

“இது­கு­றித்­தெல்­லாம் யோசித்து கருத்­துத் தெரி­விக்க வேண்­டுமா அல்­லது ஒதுங்­கிக் கொள்­ள­லாமா என்று இன்­னும் முடி­வெ­டுக்­க­வில்லை. அவ்­வாறு பேசி­னால் அத­னால் வரும் எதிர்­வி­னை­க­ளைச் சமா­ளிக்க வேண்­டும்.

“இத­னால் ஏன் நமது மன அமை­தி­யைக் கெடுத்­துக்­கொள்ள வேண்­டும் என்­றும் அவ்­வப்­போது தோன்­றும். மொத்­தத்­தில் மக்­க­ளின் மன­நிலை மாற­வேண்­டும்,” என்­கி­றார் மாள­விகா மோக­னன்.

தமி­ழில் விஜய் படம் மூலம் ரசி­கர்­க­ளைச் சென்­ற­டை­வது மகிழ்ச்சி தரு­வ­தாக குறிப்­பிட்­டுள்ள அவர், தொடர்ந்து நல்ல கதை­கள் அமைந்­தால் கோடம்­பாக்­கத்­தில் நீடிப்­பா­ராம்.

வெறும் பொழு­து­போக்கு அம்­சங்­கள் உள்ள படங்­கள் மட்­டு­மல்­லா­மல் தன் திற­மைக்­கேற்ற, நடிப்பை வெளிப்­ப­டுத்­தக்­கூ­டிய பாத்­தி­ரங்­களும் தமக்­குத் தேவை என்­கி­றார். மாள­விகா சம்­பள விஷ­யத்­தில் மட்­டும் கறா­ராக இருப்­பார் என்­கின்­ற­னர் கோடம்­பாக்க விவரப் புள்­ளி­கள்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!