மாணவர் முரசு
இ-பேப்பர்
தனுஷின் பிறந்தநாளை நேற்று முன்தினம் அவர் சிறப்பாக கொண்டாடினர்.
மேலும் மாரி செல்வராஜ் இயக்கத்தில் உருவாகியுள்ள 'கர்ணன்' படத்தின் தலைப்பு தோற்றமும் வெளியிடப்பட்டது.
அதில் ஒரு வாளை பல கைகள் இணைந்து தூக்கி பிடித்துள்ள காட்சி சித்திரிக்கப்பட்டுள்ளது.
இதுபோக ரசிகர்களின் உற்சாகத்தை இரட்டிப்பாக்க கார்த்திக் சுப்புராஜ் இயக்கத்தில் தனுஷ் நடித்துள்ள 'ஜகமே தந்திரம்' படத்தின் பாடல் ஒன்றும் வெளியானது. 'ரகிட ரகிட' என்று தொடங்கும் அந்தப் பாடலுக்கு ரசிகர்கள் மத்தியில் பலத்த வரவேற்பு கிடைத்துள்ளதாம்.
கர்ணன் தலைப்பு குறித்து ட்விட்டரில் கருத்து பதிவிட்டிருக்கும் மாரி செல்வராஜ், "நீதி சூரியனை போல முளைத்தெழக்கூடியது," என்று குறிப்பிட்டுள்ளார்.
இதற்கிடையே தனுஷுக்கு பிறந்தநாள் வாழ்த்து தெரிவித்துள்ள இயக்குநர் பாரதிராஜா, உலகை அதிரவைத்த ஒப்பற்ற நடிகன் தனுஷ் என்று புகழாரம் சூட்டியுள்ளார்.
"திரை மொழியை மெளனமாய் உடல் அசைவில் வெளிப்படுத்தி உலகை அதிரவைத்த ஒப்பற்ற நடிகன் தனுஷ். என் மண்ணின் மைந்தன். உன் அசுர நடிப்பைக் கண்டு இன்னும் வியக்கிறேன். பிறந்த நாள் வாழ்த்துகள்," என்று பாரதிராஜா தமது வாழ்த்துச் செய்தியில் தெரிவித்துள்ளார்.