ராம்குமார் சுப்பாராமன் இயக்கத்தில் நந்திதா ஸ்வேதா முதன்மை கதாபாத்திரத்தில் நடித்துள்ள படம் ‘ஐபிசி 376’.
இது அடிதடியும் அதிரடி திருப்பங்களும் கொண்ட படமாக உருவாகி வருகிறது. நந்திதாவுக்கு பல சண்டைக் காட்சிகள் உள்ளன. அவற்றில் ‘டூப்’ இல்லாமல் துணிச்சலாக நடித்ததாகப் பாராட்டுகிறார் இயக்குநர்.
“படத்தின் தலைப்பில் உள்ள ‘ஐபிசி 376’ என்பது பெண்கள் மீதான பாலியல் கொடுமைக்கு எதிரான சட்டத்தைக் குறிக்கிறது.
“விறுவிறுப்பாக தயாராகி வரும் இப்படத்தில் ‘அண்ணாதுரை’, ‘தகராறு’ படங்களில் பணியாற்றிய கே.தில்ராஜ் ஒளிப்பதிவாளராக பணியாற்றி உள்ளார். ‘கோலமாவு கோகிலா’ நிர்மல் படத்தொகுப்புப் பணியை கவனிக்கிறார்.
“இந்தப் படம் நந்திதாவின் திரைப்பயணத்தில் முக்கிய திருப்புமுனையாக அமையும்,” என்கிறார் ராம்குமார் சுப்பாராமன்.