மாணவர் முரசு
இ-பேப்பர்
நீங்கள் அதிக கற்பனைத்திறன் படைத்தவரா? திரைப்படங்கள் பார்க்கவும், விமர்சிக்கவும் பிடிக்குமா? இந்த கதையை இப்படி எடுத்திருக்கலாமே என்று எப்போதாவது தோன்றியதுண்டா? பிறகு ஏன் தாமதம்! உடனே உங்கள் கதையைக் குறும்படமாக எடுத்து 'ஜீ தமிழ்' தொலைக்காட்சி நடத்தும் போட்டிக்கு அனுப்பி வையுங்கள்!
இந்த வட்டாரத்தின் அடுத்த சிறந்த இயக்குநராக தேர்ந்தெடுக்கப்பட உங்களுக்கு ஓர் அரிய வாய்ப்பு.
சிங்கப்பூர், மலேசிய மக்களுக்காக ‘ஸீ ரீல்’ குறும்பட போட்டியை ஏற்பாடு செய்துள்ளது ‘ஜீ தமிழ்’ தொலைக்காட்சி.
போட்டியில் தேர்வு பெறும் முதல் எட்டு குறும்படங்கள் Zee Tamil APAC தொலைக்காட்சி அலைவரிசையில் ஒளிபரப்பப்படும்.
போட்டியின் நடுவர் குழுவில், இயக்குநர் ஏ எல் விஜய், சிங்கப்பூர் தொலைக்காட்சி எழுத்தாளர், இயக்குநர் மற்றும் நிர்வாக தயாரிப்பாளர் திரு யாசிர், பிரபல சிங்கப்பூர் இயக்குநர் திரு ராஜகோபால், மலேசிய இயக்குநர், ஒளிப்பதிவாளர் திருவாட்டி விமலா, ஸீ தமிழின் நிரலாக்கத் தலைவரும், ஸீ தொலைக்காட்சியின் துணை வர்த்தகத் தலைவருமான தமிழ் தாசன் ஆகியோர் உள்ளனர் (படம்).
15 வயதிற்கும் மேற்பட்ட, சிங்கப்பூர், மலேசிய குடியிருப்பாளர்கள் பங்கேற்கலாம்.
தமிழில், 5 - 10 நிமிடங்களுக்குள் குறும்படம் இருக்கவேண்டும்.
MP4 வடிவத்தில் குறும்பட காணொளி சமர்ப்பிக்கப்பட வேண்டும். தேர்வு செய்யப்படும் எட்டு இறுதிப் போட்டியாளர்கள் தங்கள் குறும்படத்தை mov. வடிவத்தில் சமர்ப்பிக்கவேண்டும். குறும்படங்களை அனுப்ப வேண்டிய இறுதி நாள்: டிசம்பர் 20ஆம் தேதி.
மேல் விவரங்களுக்கு காண்க: https://www.zeetamilapac.com/zeereel/
