மாணவர் முரசு
இ-பேப்பர்
கொரோனா விவகாரத்தையும் மீறி இந்தாண்டு தமது பிறந்தநாள் மகிழ்ச்சியாக கழிந்ததாக பூரிப்புடன் சொல்லிக் கொண்டிருக்கிறார் ஆன்ட்ரியா.
நேற்று அவரது பிறந்தநாள். அதையொட்டி 'மாஸ்டர்' படக்குழுவினர் அவருக்கு வாழ்த்துத் தெரிவித்திருப்பதே இந்த உற்சாகத்திற்குக் காரணம்.
லோகேஷ் கனகராஜ் இயக்கியுள்ள இப்படத்தில் விஜய்யுடன் மோதும் வில்லன் கதாபாத்திரத்தில் நடித்துள்ளார் விஜய் சேதுபதி.
மாளவிகா மோகனன் நாயகியாகவும் ஆன்ட்ரியா, சாந்தனு, ஸ்ரீமன், அர்ஜுன்தாஸ் உள்ளிட்ட பலர் முக்கியக் கதாபாத்திரங்களையும் ஏற்றுள்ளனர்.
'மாஸ்டர்' படத்தின் புகைப்படங்கள் அதிகம் வெளியாகவில்லை. இந்நிலையில் பிறந்தநாள் கொண்டாடிய ஆன்ட்ரியாவுக்கு வாழ்த்து தெரிவித்து அவர் விஜய்யுடன் இருக்கும் புகைப்படத்தைப் படக்குழு வெளியிட்டுள்ளது.
இதையடுத்து விஜய் ரசிகர்களும் அவருக்கு வாழ்த்து தெரிவித்த வண்ணம் உள்ளனர். மேலும் சமூக வலைத்தளங்களில் இப்படம் பரவலாகப் பகிரப்பட்டு வருகிறது. ரசிகர்கள் மற்றும் படக்குழுவினரின் அன்பால் தாம் நெகிழ்ந்து போயிருப்பதாகச் சொல்கிறார் ஆன்ட்ரியா.
'மாஸ்டர்' படத்தில் இடம்பெறும் ஒரு காட்சியில் விஜய், ஆன்ட்ரியா.