தாய், மகன் பாசத்தை விவரிக்கும் ‘வலிமை’

‘வீரம்’ படத்­தின் வெற்­றி­யைத் தொடர்ந்து கதைத் தேர்­வில் மிகுந்த கவ­னம் செலுத்தி வருகிறார் அஜித். அண்­ணன், தம்­பிக்கு இடையே­யான பாசப் பிணைப்பை மையமாகக் கொண்டு வெளி­யான அப்­ப­டத்­துக்கு பலத்த வர­வேற்பு கிடைத்­தது. அதன்­பின்­னர் ‘என்னை அறிந்­தால்’ படத்­தில் அப்பா-மக­ளுக்கு இடை­யி­லான பாசம், ‘வேதா­ளம்’ படத்­தில் அண்­ணன்-தங்­கை­யின் பிணைப்பு, ‘விஸ்­வா­சம்’ படத்­தில் மீண்­டும் அப்பா-மகள் அன்பை விவ­ரிக்­கும் கதை­களில் நடித்­தி­ருப்­ப­வர், இப்­போது ‘வலிமை’யில் அம்மா-மகன் பாசத்­தைச் சொல்லும் கதை­யில் நடிக்­கி­றார்.

அஜித் அம்­மா­வாக நடிப்­ப­வர் சுமித்ரா. இதற்கு முன்பு ‘வீரம்’, ‘பகை­வன்’ ஆகிய படங்­க­ளி­லும் அஜித்­து­டன் நடித்­துள்­ளார் சுமித்ரா.

‘வலிமை’யில் காவல்­துறை அதி­கா­ரி­யா­கத் தோன்­று­கி­றார் அஜித். கதைப்­படி அவ­ரது பெயர் அர்­ஜுன். ‘விஸ்­வா­சம்’ படத்­துக்­காக உடல் எடையை சற்றே அதி­க­ரித்­தி­ருந்­த­வர் இப்­போது ஐபி­எஸ் அதி­காரி வேடத்­துக்­காக மீண்­டும் உடல் இளைத்­துள்­ளாராம்.

இதற்­காக கொரோனா ஊர­டங்­கின்­போது வீட்­டி­லேயே கடுமை­யாக உடற்­ப­யிற்சி செய்­தி­ருக்­கி­றார். இத­னால் ‘மங்­காத்தா’, ‘என்னை அறிந்­தால்’ போலிஸ் அஜித்தைவிட மிக கம்­பீ­ர­மா­க­வும் அழ­கா­க­வும் காட்சி அளிப்­ப­தாக படக்­கு­ழு­வி­னர் உற்சா­கப்­ப­டு­கி­றார்­கள். ‘வலிமை’யில் அஜித்­து­டன் ஜோடி சேர்ந்­தி­ருப்­ப­வர் ‘காலா’ நாயகி ஹுமா குரோஷி, வித்­யா­பா­லன் தொடங்கி யாமி கௌதம் வரை பல­ரது பெயர்­கள் பரி­சீ­லிக்­கப்­பட்­ட­ன­வாம். இறு­தி­யில் சண்டைக் காட்­சி­களும் இருப்­பதால் ஹுமா­வைத் தேர்வு செய்தி­ருப்­ப­தா­கத் தக­வல்.

ஓரிரு காட்­சி­களில் அவர் இரு சக்­கர வாக­னம் ஓட்­ட­வேண்டி உள்­ள­தாம். முன் அனு­ப­வம் இல்லா­விட்­டா­லும் இப்­ப­டத்­துக்­காக புல்­லட் ஓட்ட கற்­றுக்கொண்­டி­ருக்­கி­றார் ஹுமா. கன்­னட நடி­கர் அச்­சித் குமார் ‘வலிமை’யில் அஜித்­தின் குடும்ப உறுப்­பி­ன­ரா­க­வும் அஜித்­தின் தம்­பி­யாக ராஜ் ஐயப்­ப­னும் நடிக்­கின்­ற­னர்.

கன்­னட நடி­கர் கார்த்­தி­கேயா கும்­ம­கொண்­டா­தான் ‘வலிமை’யில் அஜித்­து­டன் மோதும் வில்­லன். இவர் அஜித்­தின் தீவிர ரசி­க­ராம். வில்­லன் கதா­பாத்­தி­ரத்­துக்­காக கன்­னடப் படத்­தில் நாய­க­னாக நடிக்­கத் தேடி­வந்த வாய்ப்­பு­க­ளைக்­கூட ஏற்க மறுத்து விட்­டார்.

‘சிக்ஸ் பேக்’ உடற்­கட்­டு­டன் மிரட்­ட­லாக நடித்­தி­ருக்­கி­றா­ராம். கார்த்­தி­கேயா­வின் அர்ப்­ப­ணிப்­பைக் கண்டு வியந்­து­போன அஜித் படப்­பி­டிப்­பின் கடைசி நாளன்று தன் கைப்­பட சமைத்த பிரி­யா­ணி­யைக் கொண்டு அவ­ருக்கு விருந்­த­ளித்­தி­ருக்­கி­றார். ‘நேர்­கொண்ட பார்வை’ படத்தை இயக்­கிய ஹெச். வினோத் தான் ‘வலிமை’யையும் அழ­காக செதுக்­கி உள்ளார். தமி­ழ­கத்­தில் உள்ள திரை­ய­ரங்­கு­களில் எப்போது 100 விழுக்­காடு இருக்­கை­களை நிரப்ப அனு­மதி கிடைக்­கி­றதோ அப்­போ­து­தான் ‘வலிமை’ வெளியாகு­மாம்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!