‘ஜெகமே தந்திரம்’ படம் நேரடியாக இணையத்தில் வெளியாவது உறுதியாகி உள்ளது.
கடந்த சில வாரங்களாக இப்படம் திரையரங்கில் வெளியாகவும் வாய்ப்புள்ளதாக பல தகவல்கள் மாறி மாறி வெளிவந்தன.
இந்நிலையில் பிரபல தனியார் நிறுவனம் ஒன்று இப்படத்தை நேரடியாக இணையத்தில் வெளியிடுவதற்கான உரிமையைப் பெற்றுள்ளது. மொத்தம் 45 கோடி ரூபாய்க்கு படம் விலை போயிருக்கிறதாம்.
அநேகமாக மார்ச் மத்தியில் இப்படம் வெளியாகக்கூடும். இறுதி வரை திரையரங்க உரிமையாளர்கள், தனியார் இணைய வெளியீட்டு நிறுவனங்கள் என இரு தரப்பிடமும் விடாமல் பேச்சுவார்த்தை நடத்தி வந்துள்ளது ‘ஜெகமே தந்திரம்’ படத் தயாரிப்பு தரப்பு.
யாரையும் பகைத்துக்கொள்ளாமல் மிக சாமர்த்தியமாக பேச்சுவார்த்தையை நீட்டித்து, லாபம் தரும் தொகையைக் குறிப்பிட்டதும் அந்த தனியார் நிறுவனத்திடம் படத்தை விற்றுள்ளது தயாரிப்புத் தரப்பு.