‘ஏமாலி’, ‘லிசா’ உள்ளிட்ட படங்களில் நடித்த சாம் ஜோன்ஸ் இப்போது தயாரிப்பாளராக மாறியுள்ளார்.
இவர் தயாரித்து நடிக்கும் புதிய படம் ‘நதி’. இதில் கயல் ஆனந்தி கதாநாயகியாக நடிக்கிறார்.
உண்மைச் சம்பவத்தை மையப்படுத்தி எடுக்கப்பட்டுள்ள இப்படத்தை தாமரைச் செல்வன் இயக்குகிறார்.
மோகன் ராஜாவிடம் உதவி இயக்குநராகப் பணியாற்றிய அனுபவம் தமக்கு கைகொடுக்கும் என்றும் அருமையான தயாரிப்பாளர் தமக்கு வாய்த்திருப்பதாகவும் சொல்கிறார் தாமரைச்செல்வன்.
பிரபல தெலுங்கு நடிகை சுரேகவாணி, முனிஸ்காந்த், வேல ராமமூர்த்தி ஆகியோர் முக்கிய கதாபாத்திரங்களில் நடிக்கின்றனர். இப்படத்தின் வில்லன் கதாபாத்திரம் கதாநாயகனுக்கு நிகராக சித்திரிக்கப்பட்டுள்ளதாம்.
“பிரபல இயக்குநர்தான் வில்லனாக நடிக்க உள்ளனர். இவர் யார் என்பது விரைவில் அறிவிக்கப்படும். எங்கள் தேர்வு ரசிகர்களை ஆச்சரியப்படுத்தும்,” என்கிறார் இயக்குநர்.