'மிஷன் மஞ்சு' இந்திப் படத்தில் ராஷ்மிகா மந்தனா ஒப்பந்தமானது தெரிந்த விஷயம்.
ஆனால் இதற்காக அவர் அடிக்கடி மும்பை சென்று நடிப்புப் பயிற்சியில் ஈடுபடுகிறார் என்பது பலருக்குத் தெரிந்திருக்க வாய்ப்பில்லை.
சித்தார்த் மல்ஹோத்ரா நாயகனாக நடிக்கும் இந்தப் படத்தின் படப்பிடிப்பு விரைவில் தொடங்குகிறது.
அதற்கு முன் காட்சிகளும் கதாபாத்திரங்களும் நேர்த்தியாக அமைவதை உறுதி செய்ய விரும்பும் படத்தின் இயக்குநர் மாதத்துக்கு மூன்று நாள் என்கிற ரீதியில் கடந்த மூன்று மாதங்களாக ஒத்திகை மற்றும் பயிற்சிப் பட்டறை நடத்தி வருகிறாராம்.
பயணம் மேற்கொள்வது அலுப்பாக இருந்தாலும் இந்தப் பயிற்சியும் ஒத்திகையும் ஒருவித உற்சாகம் தருகிறது என்கிறார் ராஷ்மிகா.