'தி கிரேட் இண்டியன் கிட்சன்' படத்தின் தமிழ் மறுபதிப்பில் ஐஸ்வர்யா ராஜேஷ் நாயகியாக ஒப்பந்தம் செய்யப்பட்டுள்ளார்.
கடந்த ஜனவரி 15ஆம் தேதி நேரடியாக இணையத்தில் மலையாளத்தில் வெளியீடு கண்ட இப்படம் விமர்சன, வசூல் ரீதியில் பலத்த வரவேற்பைப் பெற்றுள்ளது.
புதிதாக திருமணமான பெண் ஒருவர் பழமைவாதக் கொள்கைகளும் ஆணாதிக்கமும் நிறைந்த கணவரின் குடும்பத்தில் எதிர்கொள்ளும் சிரமங்களை விவரித்து, இறுதியில் அப்பெண் என்ன முடிவெடுத்தார் என்பதை இப்படத்தில் காட்சிப்படுத்தி உள்ளனனர்.
இப்படத்தை தமிழ், தெலுங்கு உள்ளிட்ட மொழிகளில் மறுபதிப்பு செய்ய பலத்த போட்டி நிலவியது. தமிழுக்கான உரிமையை இயக்குநர் கண்ணன் கைப்பற்றி உள்ளார்.
இதில் முன்னணி நாயகி ஒருவர் ஒப்பந்தமாவார் என்று கூறப்பட்ட நிலையில் தற்போது ஐஸ்வர்யா ராஜேஷை ஒப்பந்தம் செய்துள்ளனர்.
தமிழ், தெலுங்கு ஆகிய இரு மொழிகளிலுமே இவர்தான் நாயகி என்றும் கூறப்படுகிறது. விரைவில் இதுகுறித்து அறிவிப்பு வெளியாகிறது.