மாணவர் முரசு
இ-பேப்பர்
பாக்யராஜ் மகன் சாந்தனு நடித்துள்ள புதுப்படம் இளையர்கள் மத்தியில் பலத்த எதிர்பார்ப்புகளை ஏற்படுத்தி உள்ளது.
ஸ்ரீஜர் இயக்கத்தில் சாந்தனு, அதுல்யா ரவி இணைந்து நடிக்கும் படம் 'முருங்கைக்காய் சிப்ஸ்'. இதில் பாக்யராஜும் முக்கிய கதாபாத்திரத்தை ஏற்றுள்ளார்.
மேலும் மனோபாலா, ஆனந்தராஜ், மயில்சாமி, மொட்டை ராஜேந்திரன், யோகிபாபு, ஊர்வசி, மதுமிதா உள்ளிட்ட பலர் நடித்துள்ளனர்.
"காதலும் நகைச்சுவையும் சரிவிகிதத்தில் கலந்துள்ள படம் இது. இளையர்களைக் கவரக்கூடிய அம்சங்கள் பல உள்ளன.
"திருமணமான இளம் ஜோடிக்கு முதலிரவு நடக்கிறது. இதை மையமாக வைத்து கதை நகரும். முதலிரவுக்கு எத்தகைய ஏற்பாடுகள் நடக்கின்றன என்பதையும் அச்சமயம் எதிர்பாராமல் நிகழும் சில சம்பவங்களையும் சுவாரசியமாக விவரித்துள்ளோம்.
"படத்தின் முன்னோட்டக் காட்சித் தொகுப்புக்கு ரசிகர்களிடம் நல்ல வரவேற்பு கிடைத்துள்ளது. எனவே, படத்துக்கும் இதேபோன்ற வரவேற்பு கிடைக்கும் என்ற நம்பிக்கை ஏற்பட்டுள்ளது," என்கிறார் இயக்குநர் ஸ்ரீஜர்.
என்னதான் இளையர்க்கான படம் என்று குறிப்பிடப்பட்டாலும் மற்றவர்களும் ரசிக்கும் வகையில் இப்படம் உருவாகி இருப்பதாக தகவல்.
அண்மையில் 'மாஸ்டர்' படத்தில் சிறிய கதாபாத்திரத்தில் நடித்திருந்தார் சாந்தனு.
இதைக் கிண்டல் செய்யும் விதமாக சமூக வலைத்தளங்களில் சிலர் பதிவிட்டிருந்தனர். அதற்கு அவரும் சளைக்காமல் பதிலளித்திருந்தார்.
இந்நிலையில், இந்தப் புதிய படம் தன்னை இளையர்களிடம் கொண்டு சேர்க்கும் என்று நம்புவதாகச் சொல்கிறார் சாந்தனு.