மாணவர் முரசு
இ-பேப்பர்
தமன்னாவை இடுப்பழகி என்றுதான் அவரது ரசிகர்கள் சமூக வலைத்தளங்களில் குறிப்பிடுகின்றனர். இந்தப் பெயரைத் தக்க வைத்துக்கொள்ள வேண்டும் என்பதில் தாம் மிகுந்த கவனத்துடன் இருப்பதாகச் சொல்கிறார் தமன்னா.
அண்மைய சமூக வலைத்தளப் பதிவு ஒன்றில் அவர் தமது இடுப்பழகின் ரகசியகத்தை வெளியிட்டுள்ளார்.
நாள் தவறாமல் உடற்பயிற்சி செய்வது, உணவுக்கட்டுப்பாடு என்று பலவற்றைப் பின்பற்றினாலும் தேவையான தூக்கம் இல்லையென்றால் அழகு பாதிக்கப்படும் என்கிறார் தமன்னா.
"இடுப்பழகி என்று ரசிகர்கள் குறிப்பிடும்போது மகிழ்ச்சியாகத்தான் இருக்கும். ஆனால் அத்தகைய அழகைப் பெற நாம் மெனக்கெட வேண்டும்.
"தூக்கம் என்பது நம் உடல் பாகங்களுக்கும் மூளைக்குமான ஓய்வு மட்டுமல்ல. அழகு பராமரிப்பிலும் முக்கிய பங்கு வகிக்கிறது.
"மூன்று நாள்கள் சரிவர தூங்கவில்லை என்றாலும் உடல் அமைப்பும் நலனும் பாதிக்கப்படும். எனவே என்னைச் சந்திக்கும் அனைவரிடமும் தூக்கத்தின் முக்கியத்துவத்தை வலியுறுத்தி வருகிறேன்.
"தனிப்பட்ட முறையில் நான் அனுபவித்ததை, பின்பற்றியதை மட்டுமே ரசிகர்களிடமும் தெரிவிக்கிறேன். கூடுதலாக எதையும் மிகைப்படுத்தி பேசவில்லை," என்று சொல்லும் தமன்னா, தமிழில் ஒரு படத்தில் மட்டுமே தற்போது நடித்து வருகிறார். எனினும் கைவசம் தெலுங்கில் நான்கு படங்கள் உள்ளனவாம்.
இதற்கிடையே நயன்தாராவுக்கு இணையாக தமன்னாவுக்கும் தெலுங்குத் தயாரிப்பாளர்கள் மிகுந்த முக்கியத்துவம் அளிக்கிறார்கள்.
தெலுங்குப் படம் ஒன்றின் படப்பிடிப்பில் பங்கேற்க மும்பையில் இருந்து தனி விமானத்தில் ஹைதராபாத்துக்குப் பறந்துள்ளார் தமன்னா.
தன்னுடன் தனி உதவியாளர், ஒப்பனையாளர், உடை அலங்கார நிபுணர் ஆகியோரும் அதே விமானத்தில் சென்றுள்ளனர்.
தமிழைவிட இவருக்கு தெலுங்கில் அதிக சம்பளமாம்.
தமன்னா
