மாணவர் முரசு
இ-பேப்பர்
கணேஷ் வெங்கட்ராம் நடிப்பில் உருவாகும் புதிய படம் 'உன் பார்வையில்'. பாலிவுட் ஒளிப்பதிவாளர் கபீர் லால் இயக்குகிறார்.
தமிழ், தெலுங்கு, இந்தி எனப் பல மொழிகளில் இப்படத்தை வெளியிட உள்ளனர். பார்வதி நாயர் நாயகியாக நடிக்கிறார்.
"இது காதலும் திகிலும் கலந்த கதையை மையமாகக் கொண்டு உருவாகும் படம். உளவியல் நிபுணராக கணேஷும் தொழில் அதிபராக பார்வதி நாயரும் நடிக்கின்றனர்.
"இருவருக்கும் இடையேயான உடல் மொழி அனைவரையும் கவரும் வகையில் இருக்கும்," என்கிறார் இயக்குநர் கபீர் லால்.
"இதுபோன்ற படத்திலும் கதாபாத்திரத்திலும் நடிக்கத்தான் ஆர்வத்துடன் காத்திருந்தேன். கபீர் லால் என்னிடம் கதையை விவரித்தபோதே பரபரப்பாகவும் சுவாரசியமாகவும் உணர்ந்தேன்.
"தாம் சொன்னதற்கு ஏற்ப அழகான, தரமான படைப்பை அவர் தருவார் என நம்பிக்கை உள்ளது," என்கிறார் கணேஷ் வெங்கட்ராமன்.
தமக்குச் சவாலான கதாபாத்திரம் அமைந்திருப்பதாகச் சொல்கிறார் பார்வதி.