‘பணத்தேவை உள்ளது’

தமது வாழ்க்­கைச் செல­வி­னங்­களை தாமே சமாளித்­துக் கொள்­வ­தா­கச் சொல்­கி­றார் ஷ்ரு­தி ஹாசன். கடந்த 11 ஆண்­டு­க­ளுக்கு முன்­னர் வீட்­டி­லி­ருந்து வெளி­யேறி தனி­யாக வாழ்ந்து வரும் நிலை­யில் எந்­த­வொரு விஷ­யத்­தி­லும் தமது பெற்­றோ­ரின் உத­வியை எதிர்­பார்ப்­ப­தில்லை என்று அண்­மைய பேட்­டி­யில்­ அ­வர் குறிப்­பிட்­டுள்­ளார்.

தமி­ழில் விஜய் சேது­ப­தி­யு­டன் இணைந்து ஷ்ருதி நடித்­துள்ள 'லாபம்' படம் விரை­வில் வெளி­யீடு காண உள்­ளது. இந்­நி­லை­யில் தமக்கு தனிப்­பட்ட வகை­யில் பணத்­தே­வை­கள் இருப்­ப­தா­க­வும் அதற்­காக தாம் தொடர்ந்து உழைத்து வரு­வ­தா­க­வும் கூறி­யுள்­ளார் ஷ்ருதி.

நாடு முழு­வ­தும் பெருந்­தொற்று பாதிப்பு அதி­க­ரித்­தி­ருப்­ப­தால் படப்­பி­டிப்­பு­கள் பாதிக்­கப்­ப­டு­வது வருத்­த­ம­ளிப்­ப­தா­கச் சொல்­ப­வர், தமது தேவை­களின் கார­ண­மாக ஓய்­வெ­டுக்க முடி­யா­மல் உழைக்­க­வேண்டி உள்­ள­தா­கக் கூறி­யுள்­ளார்.

"நாம் ஒவ்­வொ­ரு­வ­ரும் வெவ்­வேறு தொகை­களைச் சம்­பா­திக்­கி­றோம். அனை­வ­ருக்­குமே ஏதே­னும் ஒரு வகை­யில் பணத்­தே­வை­கள் இருக்­கின்­றன. மின்­கட்­ட­ணம், வீட்டு வாடகை என பல செல­வு­கள் இருக்­கும். எனக்­கும் அது பொருந்­தும்.

"அத­னால் விரை­வில் மீண்­டும் எனது பணிக்­குத் திரும்ப விரும்­பு­கி­றேன். எனக்­கென சில எதிர்­பார்ப்­பு­கள், சில எல்­லைக்­கோ­டு­கள் உள்­ளன. என் பெற்­றோ­ரி­டம் நான் உத­வி­களை எதிர்­பார்க்­க­வில்லை. 11 ஆண்­டு­க­ளுக்கு முன்பு என் தந்­தை­யின் அர­வ­ணைப்­பில் இருந்­தேன்.

"பிறகு தந்தை வீட்­டி­லி­ருந்து வெளி­யேறி தனி­யாக வாழத் தொடங்­கி­னேன். இந்த 11 ஆண்­டு­களில் எனது வாழ்க்­கையை என் விருப்­பத்­துக்­கேற்ப கட்­ட­மைத்­துக் கொண்­ட­தில் பெரு­மை­யாக உணர்­கி­றேன்," என்­கி­றார் ஷ்ருதி.

தாம் எடுத்­துள்ள முடி­வு­கள் நல்­லதா கெட்­டதா என்­பது இது­வரை தெரி­ய­வில்லை என்று குறிப்­பிட்­டுள்ள அவர், கடந்த சில ஆண்­டு­களில் அனைத்து முடி­வு­க­ளை­யும் தாம் மட்­டுமே எடுத்­த­தாக ஒப்­புக் கொள்­கி­றார்.

"பெருந்­தொற்று ஆபத்து தொடங்­கு­வ­தற்கு முன்பு எத்­தனை பேர் கார், வீடு என வாங்கி இருப்­பார்­கள் என்­பது தெரி­ய­வில்லை. நான் அறிந்த சில புத்­தி­சா­லி­கள் கூட பெரி­தாக எந்­தப் பொரு­ளை­யும் வாங்­க­வில்லை. ஆனால், உழைத்து சம்­பா­தித்த பணத்­தில் நான் சொந்த வீடு ஒன்றை வாங்­கி­னேன்," என்று உற்­சா­கத்­து­டன் சொல்­கி­றார் ஷ்ருதி.

தாம் வீடு வாங்­கி­யதை நினைக்­கும்­போது பெரு­மை­யா­க­வும் சிலிர்ப்­பா­க­வும் உணர்­வ­தாக குறிப்­பிட்­டுள்ள அவர், தம்­மைப் போன்று தனித்து வாழும் இளம் பெண்­கள் தன்­னம்­பிக்­கை­யு­ட­னும் தைரி­யத்­து­ட­னும் செயல்­பட வேண்­டும் என்­றும் அறி­வு­றுத்தி உள்­ளார்.

"எனவே, எனக்­கும் பணத்­தே­வை­கள் உள்­ளன. நான் வாங்­கிய பொருள்­க­ளுக்­காக ஒவ்­வொரு மாத­மும் தவ­ணை­க­ளைச் செலுத்த வேண்­டும். இந்த நினைப்பு என்னை நேரத்தை வீண­டிக்­கா­மல் உழைக்­கத் தூண்­டு­கிறது.

"என்­னைச் சுற்­றி­யுள்ள பலர் உணவு வாங்­க­வும் மருந்து உள்­ளிட்­ட­வற்றை வாங்­க­வும் கூட பணம் இல்­லா­மல் ஏரா­ள­மா­னோர் தவிக்­கின்­ற­னர். அதைக் கண்­கூ­டா­கப் பார்க்­கி­றேன். எனவே, நான் சம்­பா­திப்­ப­தைக் கொண்டு வாழ்க்­கையை நன்­றாக கட்­ட­மைத்­துக் கொள்ள வேண்­டும்.

"இப்­போது பணிச்­சூ­ழல் பாது­காப்­பா­ன­தாக இல்லை. கார­ணம் கொரோனா கிரு­மித்­தொற்று அனை­வ­ரை­யும் ஆட்­டிப்­ப­டைக்­கிறது. அது இப்­போது கற்­றுக்­கொ­டுத்த பாடத்தை நாம் நூறாண்­டு­க­ளுக்கு முன்பே கற்­றி­ருக்க வேண்­டும்.

"தனிப்­பட்ட ஒரு­வ­ரின் பழக்­க­வ­ழக்­கம் பிற­ரைப் பாதிக்­காது என்­பது தவ­றான கூற்று என்­பதே அந்­தப் பாடம்," என்­கி­றார் ஷ்ருதி.

அண்­மைக் கால­மாக சமூக வலைத்­த­ளங்­களில் கூடு­தல் நேரம் செல­வி­டு­கி­றா­ராம்.

அவ்­வப்­போது சில கருத்­து­க­ளைப் பதி­வி­டு­வ­து­டன், புகைப்­ப­டங்­களை வெளி­யி­ட­வும் ஷ்ருதி மறப்­ப­தில்லை.

ரசி­கர்­க­ளு­டன் இவ்­வாறு தொடர்­பில் இருப்­ப­தும் கலந்­து­ரை­யா­டு­வ­தும் உற்­சா­கம் அளிப்­ப­தா­கக் கூறு­கி­றார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!