கொரோனா; மேலும் இருவர் மரணம்

'புதுப்­பேட்டை', 'அசு­ரன்' படங்­க­ளின் மூலம் பிர­ப­ல­மான நடி­கர் நிதிஷ் வீரா கொரோனா தொற்­றால் கால­மா­னார்.

சில தினங்­க­ளுக்கு முன்பு தொற்று ஏற்­பட்­டதை அடுத்து சென்னை அரசு மருத்து­வ ­ம­னை­யில் அனு­ம­திக்­கப்­பட்­டார் நிதிஷ் வீரா. அங்கு தீவிர சிகிச்சை அளிக்­கப்­பட்­டும் பல­னின்றி அவர் நேற்று அதி­காலை உயி­ரி­ழந்­த­தாக அறி­விக்­கப்­பட்­டது.

கடந்த 2006ஆம் ஆண்டு செல்­வ­ரா­க­வன் இயக்­கத்­தில் தனுஷ் நடித்த 'புதுப்­பேட்டை' படத்­தில் தனு­ஷின் நண்­ப­ராக நடித்­தி­ருந்­தார் நிதிஷ்.

அதன் பிறகு விஷ்ணு விஷால் நடித்த 'வெண்­ணிலா கபடி குழு', ரஜினி நடித்த 'காலா' உள்­ளிட்ட படங்­களில் கவ­னிக்­கத்­தக்க கதா­பாத்­தி­ரங்­களில் நடித்­தார்.

இறு­தி­யாக வெற்­றி­மா­றன் நடிப்­பில் தனுஷ் நடித்த 'அசு­ரன்' படத்­தி­லும் பாண்­டி­யன் என்ற கதா­பாத்­தி­ரத்­தில் நடித்து கவ­னம் ஈர்த்­தார்.

இதற்­கி­டையே இயக்­கு­நர் அருண்­ராஜா காம­ரா­ஜின் மனை­வி சிந்­து­ஜா­வும் கொரோனா தொற்­றால் உயி­ரி­ழந்­தார். அவருக்கு வயது 38.

ஐஸ்வர்யா ராஜேஷ் நடிப்பில் 2018ஆம் ஆண்டு 'கனா' படத்தை இயக்கிய அருண்ராஜா காமராஜ் நடிகர் சிவகார்த்திகேயனின் நெருங்கிய நண்பர் ஆவார்.

தற்போது உதயநிதி ஸ்டாலின் நடிக்கும் படத்தை இயக்கி வருகிறார்.

அவரது மனைவி சிந்துஜாவுக்கு சில தினங்களுக்கு முன்பு கொரோனா தொற்று ஏற்பட்டது. அதற்காக சிகிச்சை பெற்று வந்தவர், நேற்று முன்தினம் நள்ளிரவு காலமானார்.

இரு­வ­ரது மறை­வுக்­கும் திரை­யு­ல­கத்­தினர் பலரும் ஆழ்ந்த இரங்­கல் தெரி­வித்து வரு­கின்­ற­னர்.