மாணவர் முரசு
இ-பேப்பர்
தனுஷ் படப் பாடல்கள் என்றாலே ரசிகர்கள் மத்தியில் ஒருவித ஆர்வமும் எதிர்பார்ப்பும் இருக்கும்.
அந்த வகையில் கார்த்திக் சுப்புராஜ் இயக்கத்தில் தனுஷ் நடித்துள்ள 'ஜெகமே தந்திரம்' படப் பாடல்கள் ரசிகர்கள் மத்தியில் பலத்த வரவேற்பைப் பெற்றுள்ளன.
சந்தோஷ் நாராயணன் இந்தப் படத்துக்கு இசையமைத்துள்ளார்.
'ரகிட ரகிட', 'புஜ்ஜி' ஆகிய இரு பாடல்கள் அண்மையில் வெளியாகி மக்கள் மத்தியில் வரவேற்பைப் பெற்றுள்ளன. இந்நிலையில் தனுஷ் தாமே எழுதி பாடியுள்ள 'நேத்து' என்ற பாடல் எதிர்பார்த்ததை விட அதிக வரவேற்பைப் பெற்றுள்ளது.
இதை இணையத்தில் வெளியிட்ட 7 மணி நேரத்திலேயே ஒரு மில்லியனுக்கும் மேற்பட்ட பார்வைகளைப் பெற்றுள்ள நிலையில், சமூக வலைத்தளங்களில் ஏராளமானோர் பகிர்ந்து வருகின்றனர்.
தனுஷ் படத்தின் மற்ற பாடல்களைப் போலவே 'நேத்து' பாடலும் பல மில்லியன் பார்வைகளைப் பெற்றுச் சாதிக்கும் என எதிர்பார்க்கப்படுகிறது.