கங்கனா ரணாவத் நடிப்பில் உருவாகியுள்ள 'தலைவி' (படம்) திரைப்படத்துக்கு தணிக்கையில் 'யு' சான்றிதழ் கிடைத்துள்ளது.
ஏ.எல். விஜய் இயக்கி உள்ள இப்படம் ஜெயலலிதாவின் வாழ்க்கையை மையமாக வைத்து எடுக்கப்பட்டுள்ளது. தமிழ், தெலுங்கு, இந்தி உள்ளிட்ட மொழிகளில் வெளியிட உள்ளனர்.
ஜெயலலிதா வேடத்தில் கங்கனாவும் எம்ஜிஆராக அரவிந்த்சாமியும் நடிக்க, ஜி.வி. பிரகாஷ் இசையமைத்துள்ளார்.
கடந்த ஏப்ரல் 23ஆம் தேதியே இப்படம் வெளியாகி இருக்க வேண்டும். கொவிட் நெருக்கடியால் படம் வெளியாகவில்லை.
இந்நிலையில் ஆகஸ்ட் மாதம் படம் வெளியாகும் என தெரியவந்துள்ளது.
இந்தப் படம் குறித்து ஏற்கெனவே சில சர்ச்சைகள் எழுந்து பின்னர் எல்லாம் தணிந்துள்ளன.
சர்ச்சைக்குரிய விஷயங்கள் எதுவும் இப்படத்தில் இல்லை என தயாரிப்புத் தரப்பில் கூறப்படுகிறது.
தமிழ்ப் பதிப்புக்கு தணிக்கைச் சான்றிதழ் பெற்றுள்ள நிலையில், இந்தி, தெலுங்கு பதிப்புக்கான தணிக்கை அடுத்த வாரம் நடைபெற உள்ளதாக படக்குழுவினர் தெரிவித்துள்ளனர்.