மாணவர் முரசு
இ-பேப்பர்
'வலிமை' படத்தின் முதல் தோற்றச் சுவரொட்டி விரைவில் வெளியிடப்படும் என அதன் இயக்குநர் வினோத் தெரிவித்துள்ளார்.
அதுவரை ரசிகர்கள் காத்திருக்க வேண்டும் எனவும் அவர் கேட்டுக்கொண்டுள்ளார்.
'வலிமை' படம் குறித்து உரிய தகவல்கள் தொடர்ச்சியாக வெளியாகவில்லை என அஜித் ரசிகர்கள் வருத்தமடைந்துள்ளனர். இந்நிலையில் 'வலிமை'யின் கொண்டாட்டம் மிக விரைவில் நடைபெறும் என வினோத் டுவிட்டரில் பதிவிட்டுள்ளார்.
"கோடம்பாக்கத்தில் அனைவரும் இந்தப் படத்தை ஆவலுடன் எதிர்பார்க்கிறார்கள். இந்தப் படத்துக்கு ஆதரவு தரும் அனைவருக்கும் நன்றி.
"முதல் தோற்றச் சுவரொட்டியை தயாரிப்பாளர் போனிகபூர் விரைவில் வெளியிடுவார். அந்தச் 'சம்பவம்' தரமாக இருக்கும். கவலை வேண்டாம்," என இயக்குநர் எச்வினோத் தமது பதிவில் மேலும் குறிப்பிட்டுள்ளார்.