‘உணவின் அருமை தெரியும்’

இடை­வி­டாத சினிமா பணி­க­ளுக்கு மத்­தியில் தொலைக்­காட்சி நிகழ்ச்சி ஒன்­றில் பங்கேற்க உள்­ளார் விஜய் சேது­பதி.

சமை­யல் தொடர்­பான நிகழ்ச்­சி­க­ளுக்கு எப்­போ­துமே நல்ல வர­வேற்பு கிடைப்­ப­தால் பல தொலைக்­காட்சி நிறு­வ­னங்­கள் பிர­ப­லங்­களை வைத்து அத்­த­கைய நிகழ்ச்­சி­க­ளைத் தயா­ரிக்­கின்­றன.

அந்த வகை­யில், சன் டிவி தயா­ரிக்­கும் 'மாஸ்­டர் செஃப்' என்ற நிகழ்ச்­சியை வழி­ந­டத்த உள்­ளார் விஜய் சேது­பதி. இப்­ப­டி­யொரு நிகழ்ச்­சி­யில் பங்­கேற்­ப­தற்கு தொடக்­கத்­தில் மிக­வும் தயங்­கி­னா­ராம் சேது­பதி. ஒரு கட்­டத்­தில் தயா­ரிப்­பா­ளர் நேர­டி­யாக வந்து பேச்­சு­வார்த்தை நடத்தி இருக்­கி­றார்.

"அவ­ரு­டைய அணு­கு­முறை பிடித்­தி­ருந்­தது.

"என் மன­துக்­குப் பிடிக்­க­வில்லை என்­றால் கோடிக்­க­ணக்­கில் கொட்­டிக் கொடுத்­தா­லும் வேலை பார்க்க மாட்­டேன். என் மன­துக்குச் சரி­யெ­னப் பட்­ட­தால் இந்த வாய்ப்பை ஏற்­றேன்.

"கால்­ஷீட் கொடுப்­ப­தெல்­லாம் பெரிய விஷ­யமே அல்ல. நான் எதை­யும் திட்­ட­மிட்­டுச் செய்­வ­தில்லை. வாழ்க்கை அதன் போக்­கில் சிக்­க­லின்றி போ­கிறது," என்­கி­றார் சேது­பதி.

திரைத்­து­றை­யில் உச்­சத்­தில் இருக்­கும்­போது தொலைக்­காட்சி நிகழ்ச்­சி­களில் பங்­கேற்­ப­தால் தொழில் ரீதி­யில் எந்­த­வித பாதிப்­பும் இருக்­காது என்று சொல்­ப­வர், மக்­க­ளு­டன் நெருங்­க இதுபோன்ற நிகழ்ச்­சி­கள் கைகொ­டுக்­கும் என்­கி­றார்.

"சமை­யலை விரும்­பும், அதை ரசித்­துச் செய்­யும் சாமா­னி­யர்­கள்­தான் இந்த நிகழ்ச்­சி­யில் பங்­கேற்­பார்­கள். ஆட்­டம் பாட்­டம் என்று கல­க­லப்­பாக இருக்­கும். ஆனால் சமை­யல் என்று வந்­து­விட்­டால் கவ­ன­மா­க­வும் முழு ஈடு­பாட்­டு­ட­னும் இருக்க வேண்­டும். இது­தான் நிபந்­தனை.

"இந்த நிகழ்ச்சி முடி­யும்­போது வெற்றி பெறு­ப­வர்­க­ளுக்கு மட்­டு­மல்ல, பங்­கேற்ற அனை­வ­ருக்­குமே ஏதே­னும் புது அனு­ப­வம் கிடைக்­கும் என நம்­பு­கி­றேன்," என்று சொல்­லும் விஜய் சேது­பதி, நிகழ்ச்­சிக்­காக அமைக்­கப்­பட்­டுள்ள அரங்­கம் தம்மை வெகு­வாகக் கவர்ந்­தி­ருப்­ப­தா­கச் சொல்­கி­றார்.

விளக்­கு­களைக் கூட வித்­தி­யா­ச­மான கோணத்­தில் அமைத்­துள்­ள­தா­க­வும் நிறைய பாத்­தி­ரங்­கள், பாக்கு மட்டை மரம், குதிரை சிலை என அரங்­கில் இடம்­பெற்­றுள்ள அனைத்­துமே அழ­காக இருப்­ப­தாகக் கூறு­கி­றார்.

திரை­யு­ல­கில் பிர­ப­ல­மா­கும் முன்­னர், சென்­னை­யில் உள்ள துரித உண­வ­கம் ஒன்­றில் வேலை பார்த்த அனு­ப­வம் சேது­ப­திக்கு உண்டு. மாலை ஆறு மணி­யில் இருந்து இரவு 12 மணி வரை வேலை பார்த்­துள்­ளார். அத­னால் உழைப்பு, உண­வின் அருமை தமக்கு நன்கு தெரி­யும் என்­கி­றார்.

"சாப்­பாடு குறித்து பேசி­னால் என் வாழ்க்கை­யில் எதிர்­கொண்ட பல அனு­ப­வங்­களைக் குறிப்­பிட வேண்­டி­யி­ருக்­கும். ஐந்து வயது வரை வீட்­டில் வறுமை. பள்­ளி­யில் அரசு வழங்­கும் சத்­து­ணவைச் சாப்­பிட்­டி­ருக்கி­றேன். சில நாள்­கள் இரவு சாப்­பி­டா­ம­லேயே தூங்­கி­ய­துண்டு.

"துபா­யில் வேலை பார்த்த போது வீட்­டுக்குப் பணம் அனுப்ப வேண்­டும் என்­ப­தால் கணக்குப் பார்த்து சாப்­பிட்­டி­ருக்­கி­றேன். அதனால் இப்­போது என் கண் முன்னே யாரா­வது உணவை வீண­டித்­தால் சட்­டெ­னக் கோபம் வந்­து­வி­டும்," என்று சொல்­லும் சேது­பதி, தாம் வாழ்க்­கை­யில் படிப்­ப­டி­யாக உயர்ந்து தற்­போ­துள்ள நிலையை அடைந்­தி­ருப்­ப­தா­கச் சொல்­கி­றார்.

இடை­வி­டாத படப்­பி­டிப்பு கார­ண­மாக வெளி­யூர், வெளி­நாட்­டில் தங்க வேண்­டி­யி­ருந்­தால் குடும்­பத்­தைப் பிரிந்­தி­ருக்க மாட்­டா­ராம்.

"ஏதா­வது ஏற்­பாடு செய்து மனைவி, பிள்­ளை­க­ளை­யும் நான் இருக்­கும் இடத்­துக்கு வர­வ­ழைத்துவிடு­வேன். அவர்­க­ளைப் பார்க்­கா­மல் என்­னால் இருக்க முடி­யாது.

"தொலைக்­காட்சி நிகழ்ச்­சிக்கு பெங்­க­ளூ­வில்தா ன் படப்­பி­டிப்பு நடக்­கிறது. பல ஆண்­டு­க­ளுக்கு முன் வந்­த­போது அங்­குள்ள கப்­பன் பூங்­காவை நடந்தே சுற்றிப் பார்த்­தேன். இப்­போது நான் தங்­கி­யுள்ள நட்­சத்­திர தங்­கும் விடு­தி­யில் இருந்து பார்க்­கும்­போது உற்­சா­க­மாக இருக்­கிறது. வாழ்க்கை எப்­படி மாறும் என்­பதை நாம் தீர்­மா­னிக்க இய­லாது," என்­கி­றார் விஜய் சேது­பதி.

, :   

விஜய் சேதுபதி

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!