மாணவர் முரசு
இ-பேப்பர்
தமிழ், தெலுங்கு, இந்தி, ஆங்கிலம் ஆகிய நான்கு மொழிகளில் வெளியாகிறது 'மாயன்'. பெரும் பொருட்செலவில் பிரம்மாண்டமான திகில் படம் உருவாக்கி உள்ளனர்.
ஆஸ்திரேலிய ஆங்கில படத்திலும் மலேசிய தமிழ்ப் படத்திலும் நடித்த வினோத் கதாநாயகனாக நடிக்க, பிந்து மாதவி, பிரியங்கா மோகன் ஆகிய இருவரும் கதாநாயகிகளாக நடித்துள்ளனர்.
மேலும், ஜான் விஜய், தினா, கஞ்சா கருப்பு, ஆடுகளம் நரேன், கே.கே.மேனன் ஆகியோரும் முக்கிய கதாபாத்திரங்களை ஏற்றுள்ளனர். கதை, திரைக்கதை, வசனம் எழுதி இயக்கியுள்ளார், ராஜேஷ் கண்ணா. பாக்ஸ் அண்ட் க்ரோ ஸ்டூடியோஸ் தயாரித்துள்ளது.
"மாயன் என்றால் காலபைரவனின் பிள்ளை என்று அர்த்தம். உலகத்தில் உள்ள அனைத்து உயிர்களையும் உருவாக்குவதும் அழிப்பதும் மாயன்கள்தான்.
"அத்தகைய சக்தி கொண்ட மாயன்களுக்கும் நம் மூதாதையர்களுக்கும் புராண காலத்தில் நல்ல உறவு இருந்தது. அந்த உறவின் அடிப்படையில் நிகழ்ந்தவற்றை இப்படம் விவரிக்கும். இதுதான் அடிப்படை கதைக்கரு என்றாலும் வேறு பல அம்சங்களும் எதிர்பாராத திருப்பங்களும் இருக்கும்.," என்கிறார் இயக்குநர் ராஜேஷ் கண்ணா.