கடற்படையின் வீரத்தை பறைசாற்றும் படம் ‘ஆபரேஷன் அரபைமா’

கடற்­படை வீர­ரா­கப் பணி­யாற்றி வந்­த­வர் இப்­போது திரைப்­பட இயக்கு­ந­ராகி உள்­ளார். பெயர் ப்ராஷ்.

ரகு­மான் நாய­க­னாக நடிக்க, 'ஆப­ரே­ஷன் அர­பைமா' என்ற தலைப்­பில் இவர் இயக்­கும் படம் ரசி­கர்­கள் மத்­தி­யில் பெரும் எதிர்­பார்ப்­பு­களை ஏற்­ப­டுத்தி உள்­ளது.

இது கடற்­படை அதி­காரி ஒரு­வ­ரின் சாக­சங்­களை விவ­ரிக்­கும் வகை­யில் விறு­வி­றுப்­பாக உரு­வாகி வரு­கிறது. 'நாடோ­டி­கள்' படத்­தில் நடித்த அபி­நயாதான் கதா­நா­யகி. தமிழ், மலையாளம் என இரு மொணிகளில் வெளியாகிறது.

அதென்ன 'ஆப­ரே­ஷன் அர­பைமா'?

"நல்ல நீரில் வாழும் மீன் வகை­களில் ஒன்று அர­பைமா. பார்ப்­ப­தற்கு மிக­வும் பெரி­ய­தாக இருக்­கும். தவிர, மனி­தர்­க­ளி­டம் கூட ஒரு குழந்­தை­யைப் போல் பழ­கும். அதே சம­யம் அதற்கு எதி­ராக நாம் ஏதா­வது செய்­கி­றோம் எனத் தெரிந்­தால் நம்மை துவம்­சம் செய்­து­விடும்.

"ரகு­மான் இந்த அர­பைமா மீன் போன்ற கதா­பாத்­திரத்­தில்தான் நடிக்­கி­றார். கடற்­படை அதி­காரி சிவா கிருஷ்­ண­மூர்த்­தி­யாக சிறப்­பாக நடித்­துள்­ளார். மேலும் கட­லில் நடக்­கும் போராட்­டம் என்­ப­தால் இதற்கு 'ஆப­ரே­ஷன் அர­பைமா' என்று தலைப்பு வைத்­துள்­ளோம்.

"இது நம் நாடும் நம் நாட்­டு­டன் நட்­பாக இருக்­கும் சில நாடு­களும் இணைந்து செயல்­ப­டு­வது போன்ற கதை. கடல் வழி­யாக நடக்­கும் பெண் கடத்­த­ல், போதைப்­பொருள் கடத்­த­லை­ முடி­வுக்­குக் கொண்டு வரு­வ­தற்­காக ஓர் அதி­ரடி நட­வ­டிக்­கையை மேற்­கொள்­வார்­கள்.

"அதற்­கு­தான் 'ஆப­ரே­ஷன் அர­பைமா' என்று பெயர். இது தொடர்­பாக சில அடிப்­படை விஷ­யங்­களை மட்­டும் எடுத்­துக்­கொண்டு புதி­தாக ஒரு கதையை உரு­வாக்கி உள்­ளோம். தமி­ழில் இது­போன்ற ராணுவ நட­வ­டிக்­கை­களை அடிப்­ப­டை­யாக வைத்து எடுக்­கப்­பட்ட படங்­கள் குறைவு. அவற்­றுள் தனித்­து­வம் வாய்ந்த படைப்­பாக இது இருக்­கும்," என்­கி­றார் இயக்­கு­நர் ப்ராஷ்.

பெரும் பகுதி கதை கடற்­ப­கு­தி­க­ளில்­தான் பட­மாக்­கப்­பட்­டுள்­ள­தாம். தமி­ழ­கம், கேரளா, அந்­த­மான், கோவா, துபாய் என பல்­வேறு பகுதி­களில் எடுக்­கப்­பட்ட ஒவ்­வொரு காட்­சி­யும் விறு­வி­றுப்­பாக இருக்­கு­மாம்.

அபி­நயா குறித்து?

"அவ­ருக்கு மிக முக்­கி­ய­மான கதா­பாத்­தி­ரம் அமைந்­துள்­ளது. அபி­ந­யா­வின் திறமை குறித்து நான் சொல்­லித் தெரிய வேண்­டி­ய­தில்லை. தனக்­கான கதா­பாத்­தி­ரத்­துக்கு என்ன தேவையோ அதை நிறை­வா­கச் செய்­துள்­ளார். அவர் சிறு கதா­பாத்­தி­ரத்­தில் தோன்­றி­னா­லும் மன­தில் பதி­யும். கார­ணம், ஒவ்­வொரு காட்­சி­யை­யும் நன்கு உள்­வாங்கி அதை தன் நடிப்­பில் வெளிப்­ப­டுத்­து­கி­றார்," என்று சொல்­லும் ப்ராஷ், அந்­த­மான் கடற்­ப­கு­தி­யில் நடந்த படப்­பி­டிப்பு மறக்க முடி­யா­தது என்­கி­றார்.

அந்­தக் காட்­சி­கள் உண்­மை­யாக இருக்கவேண்­டும் என்­ப­தற்­காக கேரள காவல்­து­றை­யின் கமாண்டோ படை­யின் உத­வி­யைக் கேட்­டுப் பெற்­றா­ராம். அந்­தப் படை­யின் துணை கண்­கா­ணிப்­பா­ளர் அஜித்­, பயிற்­சி­யா­ள­ரான கேப்­டன் அனில்­கு­மார் இரு­வ­ரை­யும் துணைக்கு வைத்துக்கொண்­டு­தான் படப்­பி­டிப்பை நடத்தியுள்­ள­னர்.

"அவை அனைத்­துமே படத்­துக்கு முது­கெ­லும்பு போன்­றவை. அத­னால் கடு­மை­யாக உழைத்­தோம். அந்த உழைப்பு வீண் போகாத வகை­யில் ஒவ்­வொரு காட்­சி­யும் அற்­பு­த­மாக அமைந்­துள்­ளது.

நாய­கன் ரகு­மான் குறித்து?

"என்­னு­டைய முதல் படம் நிச்ச­ய­மாக ராணு­வம், அத­னு­டன் தொடர்­பு­டைய கதைக்­க­ள­மாக இருக்க வேண்­டும் என்­பதை எப்­போதோ முடிவு செய்­து­விட்­டேன். அதற்­கேற்ற கதை­யை­யும் தயார் செய்து வைத்­தி­ருந்­தேன். வாய்ப்பு கிடைத்­தால் அர்­ஜுன் அல்­லது ரகு­மான் ஆகிய இரு­வ­ரில் ஒரு­வர்­தான் கதை நாய­கன் என்­ப­தும் எனது முடி­வாக இருந்­தது.

"நடன இயக்­கு­நர் கலா, பிருந்தா மூல­மாக ரகு­மான் அறி­மு­க­மா­னார். கதை­யைக் கேட்­ட­தும் தமக்கு ரொம்ப பிடித்­தி­ருக்­கிறது என்­றார் ரகு­மான். அவ­ருக்கு என்­னை­விட திரை­யு­ல­கில் மிகுந்த அனு­ப­வம் உண்டு. அத­னால் நான் எதிர்­பார்த்­த­தை­விட மிக கச்­சி­த­மான நடிப்பை வழங்கி உள்­ளார். இது கடற்படையின் வீரத்தை பறை சாற்றும் படமாக இருக்கும்," என்று சொல்­லும் ப்ராஷ், கடற்­படை வீர­ராக பணி­யாற்­றிய பின்­னர் விமா­னத்­து­றை­யி­லும் வேலை பார்த்­துள்­ளார்.

விமா­னப் பரா­ம­ரிப்பு பொறி­யி­ய­லா­ளர் பயிற்­சியை மேற்­கொண்ட பின்­னர் விமா­னி­யா­க­வும் செயல்­பட்­டா­ராம். சென்னை விமான நிலை­யத்­தில் இது தொடர்­பான பணியை செய்­துள்­ளார். எனி­னும், திரைத்­து­றை­யில் சாதிக்க வேண்­டும் என்­பது­தான் இவ­ரது கன­வாக இருந்­துள்­ளது. அதற்­கேற்ப இயக்­கு­நர் மேஜர் ரவி­யின் 'அரண்' தமிழ் படத்­தில் இணை இயக்­கு­ந­ரா­கப் பணி­யாற்­றும் வாய்ப்பு கிடைத்­துள்­ளது. இப்­போது ப்ரா­ஷும் இயக்கு­நரா­கி­ விட்டார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!