மாணவர் முரசு
இ-பேப்பர்
அஜித், விஜய், சூர்யா, விஷால் என தமிழ் முன்னணி நடிகர்களின் படங்களுக்கு தெலுங்கிலும் நல்ல வரவேற்பு கிடைத்து வருகிறது.
பல தமிழ் படங்கள் தெலுங்கில் மொழி மாற்றம் செய்யப்பட்டு நல்ல வசூல் காண்கின்றன. சில படங்கள் தெலுங்கில் மறுபதிப்பாகின்றன.
அண்மையில் 'அசுரன்' படத்தின் தெலுங்கு மறுபதிப்பான 'நாரப்பா' வசூலில் அசத்தியது.
இந்நிலையில், அஜித் நடித்துள்ள படங்களை தெலுங்கில் மொழிமாற்றம் செய்வதில் பலரும் ஆர்வம் காட்டி வருகின்றனர். அண்மையில் அஜித் நடித்த 'நேர்கொண்ட பார்வை' படம் 'வக்கீல் சாப்' என்ற பெயரில் தெலுங்கில் மறுபதிப்பு செய்யப்பட்டு பெரும் வரவேற்பைப் பெற்றது.
இதையடுத்து, 'வேதாளம்', 'என்னை அறிந்தால்' ஆகிய இரு படங்களையும் தெலுங்கில் மறுபதிப்பு செய்து வருகின்றனர்.
'வேதாளம்' படத்தின் தெலுங்கு மறுபதிப்பு குறித்த அறிவிப்பை நடிகர் சிரஞ்சீவி அதிகாரபூர்வமாக வெளியிட்டார். இப்படத்துக்கு 'போலா ஷங்கர்' என்று தலைப்பு வைத்துள்ளனர். இதில் சிரஞ்சீவியின் தங்கை கதாபாத்திரத்துக்கு கீர்த்தி சுரேஷ் ஒப்பந்தமாகி உள்ளார்.