‘எனக்கு இதுதான் தெரியும்’

வரு­டத்­துக்கு ஒரே ஒரு படத்­தில் நடித்­தா­லும் போதும், அது நகைச்­சு­வைப் படைப்­பா­க­வும் தனது பாணிக்கு ஏற்­ற­தா­க­வும் இருக்க வேண்­டும் என்­ப­தில் உறு­தி­யாக உள்­ளார் 'மிர்ச்சி' சிவா.

அவ­ருக்கே உரிய நகைச்­சுவை, நக்­கல், நையாண்­டி­யு­டன் உரு­வாகி இருக்­கிறது 'இடி­யட்'. ராம்­பாலா இயக்கி உள்­ளார். மேலும் 'காசே­தான் கட­வு­ளடா' படத்­தி­லும் நடித்து முடித்­துள்­ளார்.

"இந்த இரு படங்­களும் கூட வழக்­கம்­போல் ரசி­கர்­களை சிரிக்க வைக்­கும். நான் இப்­ப­டிப்­பட்ட படங்­களை மட்­டுமே தேர்வு செய்து நடிக்­கி­றேன். இந்­தப் படத்­துக்கு சிவா பொருத்­த­மாக இருப்­பார் என்று நினைப்­ப­வர்­கள் என்­னைத் தேடி வரு­கி­றார்­கள்.

"மற்­ற­வர்­கள் பேசும் வச­னங்­க­ளுக்கு உட­ன­டி­யாக பதி­லடி கொடுப்­ப­து­தான் எனது வழக்­கம். நகைச்­சு­வை­யாக இதைச் செய்­வ­தால் ரசி­கர்­களுக்­குப் பிடித்­துள்­ளது. இதை எனது திறமை என்று நினைக்க வேண்­டாம். எனக்கு இது மட்­டும்­தான் தெரி­யும். நடிக்­கத் தெரி­யாது," என்று சொல்லி பெரி­தா­கச் சிரிக்­கி­றார் சிவா.

இவ­ரி­டம் கதை சொல்ல விரும்­பு­வர்­கள், எடுத்த எடுப்­பி­லேயே, 'நீங்க வேலை­யில்லா பட்­ட­தாரி', 'திரு­டன்', 'வெட்­டிப்­பேர்­வழி' என்று கதா­பாத்­தி­ரத்­தின் தன்­மை­யைச் சொல்­லி­வி­டு­வார்­கள். அதைக் கேட்ட பிற­கு­தான் சிவா­வுக்­கும் மீதி கதை­யைக் கேட்­கும் உற்­சா­கம் வரு­மாம்.

சில சம­யங்­களில் 'சீரி­ய­ஸான', கன­மான கதா­பாத்­தி­ரங்­க­ளு­டன் சிலர் சிவாவை அணு­கி­ய­துண்டு. ஆனால், அது போன்ற வேடங்­கள் தமக்கு ஒத்­து­வராது என்று தெளி­வாக, திட்­ட­வட்­ட­மா­கச் சொல்லி திருப்பி அனுப்­பி­வி­டு­வா­ராம்.

"ஒரு­முறை புது இயக்­கு­நர் சொன்ன கதை மிக நன்­றாக இருந்­தது. தனது காத­லிக்­காக தன் உடல் உறுப்­பு­கள் அனைத்­தையும் தான­மாக வழங்க முன்­வ­ரும் உண்­மை­யான காத­ல­னாக நடிக்­கு­மாறு கேட்டு என்னை அணுகி இருந்­தார்.

"அவர் கதை­யைச் சொல்லி முடித்­த­தும், ஒரு விஷ­யம் தெளி­வா­கப் புரி­கிறது என்­றேன். வேறொன்­றும் இல்லை. இந்த கதை நான் நடித்து திரைப்­ப­ட­மாக வெளி­வந்­தால் இந்த ஆண்­டின் மிகச்­சி­றந்த நகைச்­சு­வைப் பட­மாக விருது பெறும் என்­றேன். அதைக் கேட்­ட­தும் அந்த இயக்­கு­நர் என்ன சொல்­வ­தென்று தெரி­யா­மல் விழித்­தார்.

"இது­போன்று மேலும் சிலர் நல்ல கதை­க­ளு­டன் அணு­கியபோதும் அந்த வாய்ப்­பு­களை நான் ஏற்­க­வில்லை," என்று சொல்­ப­வர், காலஞ்­சென்ற நடி­கர் விவேக்­கு­டன் தாம் பங்­கு­பெற்ற தொலைக்­காட்சி நிகழ்ச்சி வாழ்­நாள் முழு­வ­தும் தன் நினை­வில் நிற்­கும் என்­கி­றார்.

அந்த நிகழ்ச்­சிக்­கான படப்­பி­டிப்­பின்­போது இரு­வ­ரும் ஒரே தங்­கும்­வி­டு­தி­யில்­தான் வெவ்­வேறு அறை­களில் தங்கி இருந்­தார்­க­ளாம். அப்­போது தினந்­தோ­றும் மணிக்­க­ணக்­கில் பேசும் வாய்ப்பு கிடைத்­த­தாம்.

"அவ­ரு­டன் இணைந்து பணி­யாற்­றி­யதே மிகப்­பெ­ரிய கௌர­வம். அதை­விட அவ­ரு­டன் சம­மாக உட்­கார்ந்து பேச முடிந்­த­தும் பெரிய விஷ­யம். தின­மும் படப்­பி­டிப்பு முடிந்­த­பின் மாலை­யில் அவ­ரைச் சந்­திப்­பேன். அப்­போது தாம் நடித்த படங்­கள், அவற்­றில் கையா­ளப்­பட்ட கதை­கள், கதா­பாத்­தி­ரங்­கள் ஆகி­யவை குறித்து தனது கருத்­து­களை பகிர்ந்­து­கொள்­வார்.

"அவர் நடித்து வெற்­றி­பெற்ற நகைச்­சு­வைக் காட்­சி­கள் எவ்­வாறு உரு­வா­கின என்­றும் கூறு­வார். அந்த நாட்­களை பெரிய பொக்­கி­ஷ­மாக என் மன­தில் பாது­காப்­பேன்.

சிறு வயது முதல் அவரது நகைச்­சு­வைக் காட்சி­க­ளைக் பார்த்து வளர்ந்­த­வர்­களில் நானும் ஒரு­வன். சிரிக்­க­வும் வைத்து, சிந்­திக்­க­வும் தூண்­டி­ய­வர் அவர். அத­னால்­தான் இவ­ரைப் போன்ற கலை­ஞர்­க­ளின் பங்­க­ளிப்பு காலத்­தைக் கடந்து நிலைத்து நிற்­கும் என்­கி­றார்­கள்.

"இந்த கொரோனா கால­கட்­டத்­தில் இரு­வ­ரது இழப்பு என்னை வெகு­வாக பாதித்­துள்­ளது.

ஒன்று விவேக் சார் மர­ணம். மற்­றொன்று பாட­கர் எஸ்.பி.பால­சுப்­ர­ம­ணி­யத்­தின் மறைவு. இரு­வ­ருமே காலத்­தால் அழி­யாத சாத­னை­க­ளைப் படைத்­த­வர்­கள்," என்று நெகிழ்­கி­றார் சிவா.

என்­ன­தான் தம்­மையே கேலி செய்­து­கொண்டு பிறரை சிரிக்க வைத்­தா­லும் சிவா­வும் தமக்­கென சில நல்ல கொள்­கை­களை வைத்­துள்­ளார். பாலி­யல் காட்­சி­க­ளும் இரட்டை அர்த்த வச­னங்­களும் தனது படங்­களில் இடம்­பெ­றக் கூடாது என்­ப­தில் உறு­தி­யாக உள்­ளா­ராம்.

தம்­மி­டம் தெரி­வித்த கதை, காட்­சி­க­ளுக்கு மாறாக இவற்றை திணிக்க முற்­பட்­டால் தம்­மால் நடிக்க இய­லாது என மறுத்­து­வி­டு­வா­ராம்.

"இன்­றைய நவீன கால­கட்­டத்­தில் ஏரா­ள­மான இளை­யர்­கள் திரைப்­ப­டங்­களை உற்­றுக் க­வ­னிக்­கி­றார்­கள். திரை­யின் நாய­கர்­களை பல விஷ­யங்­களில் பின்­பற்ற விரும்­பு­கி­றார்­கள். அந்த இளை­யர்­களை தவ­றான திசை­யில் வழி­நடத்தி­வி­டக் கூடாது என்­ப­தில் தெளி­வாக இருக்­கி­றேன்," என்று சொல்­லும் சிவா, வாய்ப்­பு­களுக்­காக அதி­கம் மெனக்­கெ­டு­வ­தில்லை.

தானாகத் தேடி வரும் படங்­களில் நடிப்­ப­வர், தனக்கு ஏற்ற கதா­பாத்­தி­ரங்­கள் அமைந்­தால்­தான் நடிப்­பது என்­ப­தி­லும் தெளி­வாக இருக்­கி­றார்.

, :

  

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!