‘நேர்த்தியாக நடித்துள்ளனர்’

'மகான்' படம் விறு­வி­றுப்­பாக வளர்ந்து வரு­கிறது. தாம் எதிர்­பார்த்­த­தை­விட படம் சிறப்­பாக உரு­வாகி இருப்­ப­தா­கச் சொல்­கி­றார் அதன் இயக்­கு­நர் கார்த்­திக் சுப்புராஜ்.

நடி­கர் விக்­ர­மும் அவ­ரது மகன் துருவ்­வும் இணைந்து நடிக்­கும் படம் இது. நிஜ வாழ்க்­கை­யில் உள்­ள­ப­டியே திரை­யி­லும் இரு­வ­ரும் தந்தை, மக­னாக நடித்­துள்­ள­னர்.

அண்­மை­யில் படத்­தின் தலைப்பு அறி­விக்­கப்­பட்டது. அதை­ய­டுத்து இரு­வ­ரில் 'மகான்' பாத்­தி­ரத்­தில் நடிப்­பது யார் என்ற கேள்வி எழுந்­துள்­ளது.

"இந்­தக் கேள்­விக்­கான பதில்­தான் இந்­தப் படத்­தின் வலி­மை­யான அடித்­த­ளம். இதை அதி­ர­டிப் படம் என்று ஒரே வரி­யில் சொல்­லி­விட இய­லாது. அடி­தடிக்கு மத்­தி­யில் நிறைய உணர்­வு­பூர்­வ­மான விஷ­யங்­களும் உள்­ளன.

"தொழில்­நுட்ப ரீதி­யா­க­வும் கதை­யி­லும் அடுத்­த­கட்­டத்துக்கு நகர வேண்­டும் என்ற முடி­வு­டன் இந்­தப் படத்தை இயக்­கு­கி­றேன். விக்­ரம், துருவ் இணைந்து நடிப்­ப­தால் எதிர்­பார்ப்பு அதி­க­மாக உள்­ளது.

"இந்­தக் கதையை எழுதி முடித்­த­தும் விக்­ர­மி­டம் விவ­ரித்­தேன். அவ­ருக்­கான சவால் இருப்­பதை அறிந்­த­தும் உற்­சா­கத்­து­டன் நடிக்­கச் சம்­ம­தித்­தார். இரு­வ­ருமே தங்­கள் உழைப்­பைக் கொட்டி இருக்­கி­றார்­கள்," என்­கி­றார் கார்த்­திக் சுப்­பு­ராஜ்.

விக்­ரம், துருவ் ஆகிய இரு­வ­ருக்­குமே படத்­தில் உரிய முக்­கி­யத்­து­வம் அளிக்­கப்­பட்­டுள்­ள­தாம். மேலும் பாபி சிம்­ஹா­வும் முக்­கிய கதா­பாத்­தி­ரத்தை ஏற்­றுள்­ளார்.

"இரு­வ­ரும் ஒரு­வ­ருக்­கொ­ரு­வர் விட்­டுக்­கொ­டுத்து நடித்­த­னர். அத­னால் இயக்­கு­ந­ராக என் வேலை எளி­தாக இருந்­தது. விக்­ர­முக்கு உள்ள அனு­ப­வம் கார­ண­மாக இந்த நுணுக்­கம் தெரி­யும். ஆனால் துருவ்­வுக்­கும் இது தெரிந்­தி­ருப்­ப­து­தான் ஆச்­ச­ரி­யம்.

"விக்­ரம் என்ற பெரிய நடி­க­ரு­டன் திரை­யைப் பகிர்ந்து கொள்­வது சக நடி­கர்­க­ளுக்கு நிச்­ச­யம் சவா­லான ஒன்று­தான். ஆனால் துருவ் இந்­தச் சவாலை துணி­வு­டன் எதிர்­கொண்­டார்.

"படப்­பி­டிப்பைத் தொடங்­கும் முன்பு ஒரு­முறை ஒத்திகை பார்த்­து­வி­ட­லாம் என்று நினைத்­தோம். ஆனால் அது சாத்­தி­யப்­ப­ட­வில்லை. எனி­னும், படப்­பி­டிப்பு சிக்கல் இன்றி நடந்­தது.

"பொது­வாக ஒரு கதா­பாத்­தி­ரம் சொல்­வதைக் கேட்டு, அதற்கு பதில் பேசு­வ­து­தான் காட்­சிக்கு அழகு சேர்க்­கும். அந்த வகை­யில் இரு­வ­ரும் நேர்த்­தி­யாக நடித்­துள்­ள­னர்," என்­கி­றார் கார்த்­திக் சுப்­பு­ராஜ்.

"கல்­லூ­ரி­யில் படித்­த­போது அவர் நடித்த 'சாமி' படத்தைப் பார்த்து மிரண்டு போயி­ருக்­கி­றேன். அப்­படி­பட்ட ஆவே­ச­மான நடிப்பை வெளிப்­ப­டுத்தி இருப்­பார். சினிமா உல­குக்கு வந்த நாள்­மு­தல் அவரை வைத்து ஒரு படம் இயக்கவேண்­டும் என்ற ஆசை இருந்­தது. 'இறைவி' படத்தை இயக்­கி­ய­போது அவ­ரி­டம் வேறு ஒரு கதை­யைச் சொல்லி இருந்­தேன். அதன் பிறகு தொடர்பு இன்­றிப் போய்­விட்­டது.

"இந்­நி­லை­யில், தயா­ரிப்­பா­ளர் லலித்­கு­மார் திடீ­ரென்று ஒரு­நாள் கைபே­சி­யில் அழைத்து, விக்­ரம், துருவ் இரு­வ­ரை­யும் வைத்து ஒரு படம் எடுக்­க­லாமா என்று கேட்­டார். அப்­ப­டித்­தான் 'மகான்' பட வேலை­கள் தொடங்­கின," என்­கி­றார் கார்த்­திக் சுப்­பு­ராஜ்.

தனது எட்டு ஆண்­டு­கால காத்­தி­ருப்­புக்­குப் பிறகு இந்த வாய்ப்பு அமைந்­துள்­ள­தா­கக் குறிப்­பி­டு­ப­வர், தமது வாழ்க்­கை­யின் சிறப்­பான தரு­ணங்­களில் ஒன்­றாக இப்படத்­தில் பணி­யாற்­றி­ய­தைச் சொல்லமுடி­யும் என்­கி­றார்.

"இந்தப் படத்தில் சிம்ரன், வாணி போஜன் என இரண்டு நாயகிகள். சிம்ரனைப் பொருத்தவரை எதையும் அவருக்கு விளக்க வேண்டிய அவசியமில்லை. சொல்லும் விஷயத்தை உள்வாங்கி தனது பாணியில் நடிப்பார். அதில் மாற்றம் சொல்ல வேண்டிய அவசியம் இருக்காது. வாணி போஜன் நல்ல கதாபாத்திரத்தில் தோன்றுவார்," என்கிறார் கார்த்திக் சுப்புராஜ்.

விக்ரம்

, :   

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!