மாணவர் முரசு
இ-பேப்பர்
தமிழ்த் திரையுலகில் முன்னணி நடிகராக இருக்கும் விஜய் சேதுபதியும் அவரது மகள் ஸ்ரீஜாவும் இணைந்து நடித்துள்ள திரைப்படம் 'முகிழ்'.
அறிமுக இயக்குநர் கார்த்திக் இயக்கியுள்ள இப்படத்தில் விஜய் சேதுபதி, ரெஜினா கசாண்ட்ரா, ஸ்ரீஜா உள்ளிட்டோர் முதன்மைக் கதாபாத்திரத்தில் நடித்துள்ளனர்.
இந்தப் படத்தில் ஒரு நாய்க்குட்டியும் நடித்துள்ளது. இப்படத்திற்கு ரேவா என்ற பெண் இசையமைத்துள்ளார். சத்யா ஒளிப்பதிவு செய்துள்ள இப்படத்திற்கு கோவிந்தராஜ் படத்தொகுப்பாளராக பணியாற்றியுள்ளார்.
62 நிமிட நீளமுள்ள ஒரு யதார்த்தமான அணுகுமுறையுடன் கூடிய
குழந்தைகளுக்கான படமாக இப்படம் உருவாகியுள்ளது. இந்தப் படத்தில் 12 வயது சிறுமியாக ஸ்ரீஜாவும் அவரது பெற்றோராக விஜய் சேதுபதியும் ரெஜினா கசாண்ட்ராவும் நடித்துள்ளனர்.
அண்மையில் இப்படத்தின் முதல் பாடல் வெளியாகி நல்ல வரவேற்பை பெற்றது. அதையடுத்து இப்படம் நேற்று திரையரங்குகளில் வெளியானது.
முதன்முறையாக 62 நிமிடங்களைக் கொண்ட இப்படம் திரையரங்கில் வெளியாகவுள்ளது குறிப்பிடத்தக்கது.
இந்நிலையில் இப்படத்தின் முன்னோட்டக் காட்சியைப் படக்குழு அண்மையில் வெளியிட்டது. தனது மகளுடன் விஜய் சேதுபதி இடம்பெற்றுள்ள காட்சிகள் அதில் இடம்பெற்றுள்ளன. இந்த முன்னோட்டக் காட்சிக்கு ரசிகர்களிடையே நல்ல வரவேற்பு இருந்தது குறிப்பிடத்தக்கது.
கடந்த இரண்டு மாதங்களில் வெளியான விஜய் சேதுபதியின் படங்கள் எதுவும் சொல்லிக்கொள்ளும் வகையில் இல்லை. இந்தப் படமாவது வெற்றி பெறுமா என பொறுத்திருந்து பார்க்கலாம் என்கிறது கோலிவுட்.