மாணவர் முரசு
இ-பேப்பர்
'ஹிப்ஹாப்' தமிழா ஆதி நடித்துள்ள புதிய திரைப்படம் 'அன்பறிவு'. அறிமுக இயக்குநர் அஸ்வின் ராம் இயக்கியுள்ளார்.
எதிர்வரும் ஜனவரி 7ஆம் தேதி இப்படத்தை நேரடியாக இணையத்தில் வெளியிட உள்ளனர்.
முன்னணி ஓடிடி தளத்தில் வெளியாகும் இப்படத்தில் முதன்முறையாக இரட்டை வேடங்களில் நடித்துள்ளார் ஆதி.
"மதுரையைச் சேர்ந்த ஒரு குடும்பத்தில் மூன்று தலைமுறையைச் சேர்ந்தவர்கள் பாசப்பிணைப்புடன் வாழ்ந்து வருகிறார்கள். அந்தக் குடும்பத்தில் நடக்கும் நிகழ்வுகளை காட்சிப்படுத்தி உள்ளோம்.
"இரட்டை வேடங்களில் அசத்தலாக நடித்துள்ளார் ஆதி. அனுபவம் வாய்ந்த நடிகர்கள் நடிக்கவேண்டிய பாத்திரங்களில் ரசிக்கும் வகையில் அவர் நடித்திருப்பது பாராட்டுக்குரியது.
"ஆதியின் தாத்தாவாக நெப்போலியனும் தந்தையாக சசிகுமாரும் நடித்துள்ளனர். இந்தப் படம் ரசிகர்களை சிரிக்கவும் சிந்திக்கவும் வைக்கும்," என்கிறார் இயக்குநர் அஸ்வின் ராம்.
சத்ய ஜோதி பிலிம்ஸ் நிறுவனம் தயாரித்துள்ள இந்தப் படத்தில் விதார்த், காஷ்மீரா பரதேசி, சசிகுமார், ஆஷா சரத், தீனா உள்ளிட்ட மேலும் பலர் நடித்துள்ளனர்.