‘ஒரு கோடி சம்பளம் கேட்டார்’

'பிசாசு 2' படம் விரை­வில் வெளி­யீடு காண உள்­ளது. அதைப் பார்க்­கும் அனை­வ­ரும் பயத்­தின் உச்­சிக்குச் செல்­லப்போகி­றார்­கள் என்­கி­றார் இயக்­கு­நர் மிஷ்­கின். அது மட்­டு­மல்ல, படத்­தின் நாயகி ஆண்ட்­ரியா இனி புதிய உய­ரங்­களை எட்­டிப் பிடிப்­பார் என்­றும் உறு­தி­யா­கச் சொல்­கி­றார்.

அண்­மைய பேட்டி ஒன்­றில் ஆண்ட்­ரி­யாவை அவர் பாராட்­டிய விதம் குறித்து கோடம்­பாக்­கத்­தில் தனி விவா­தமே நடந்துகொண்­டி­ருக்­கிறது. ஆண்­க­ளுக்கு நிக­ரான உழைப்பை ஆண்ட்­ரியா 'பிசாசு 2' படத்­துக்குக் கொடுத்­துள்­ளார் என்­றும் இனி இந்­திய அள­வில் கவ­னிக்­கப்­படும் நடி­கை­யாக அவர் உரு­வெ­டுப்­பார் என்­றும் உறு­தி­யா­கச் சொல்­கி­றார் மிஷ்கின். அந்­தப் பேட்­டி­யில் ஆண்ட்­ரி­யாவை 'அவள், இவள்' என்­று­தான் குறிப்­பிட்­டுள்­ளார். தனது நெருங்­கிய தோழி என்­ப­தால் அவர் தம்மை தவ­றாக நினைக்­க­மாட்­டார் என்­றும் சொல்­கி­றார்.

"இந்­தப் படத்­தின் கதையை அவ­ரி­டம் (ஆண்ட்­ரியா) சொன்­ன­போது அவர் உடல்­மொ­ழி­யைக் கவனித்­தேன். மிக உன்­னிப்­பா­கக் கேட்­ட­வர், அரு­மை­யான கதை என்று சொல்லி நடிக்க முன்­வந்­தார்.

"இந்­தக் கதை­யில் காமத்­துக்­கும் இடம் உள்­ளது. அந்­தப் பகு­தி­க­ளைக் கேட்ட பிறகு, அதிக சம்­ப­ளம் வேண்­டும் என்­றார். நான் அதற்கு ஒப்­புக்­கொண்­ட­தும், ஒற்றை ஆள்­காட்டி விரலை உயர்த்­திக் காட்ட, அதற்­கும் சம்­ம­தித்­தேன். இதில் அவ­ருக்கு மிகுந்த ஆச்­ச­ரி­யம். நடி­கர்­க­ளுக்கு கோடிக்­க­ணக்­கில் கொட்டிக் கொடுக்­கி­றோம். ஆண்ட்­ரியா போன்ற திற­மை­யான நடி­கை­க­ளுக்­கும் அத்­த­கைய அங்­கீகா­ரம் அளிக்­கப்­பட வேண்­டும்.

"ஆனால் படப்­பி­டிப்பு தொடங்­கி­ய­தும் நிலை­மை­யில் தலை­கீழ் மாற்­றம். மொத்­தம் அறு­பது நாள்­கள் படப்­பி­டிப்பு. இரண்டு கட்­டங்­க­ளாக நடை­பெற்­றது. அதில் நாற்­பது நாள்­கள் எனக்கும் அவ­ருக்­கும் எப்­போ­தும் சண்­டை­தான். ஏதா­வது ஒரு சின்ன விஷ­ய­மாக இருந்­தா­லும் வாக்­கு­வா­தம் செய்­வோம்.

"ஒரு கட்­டத்­தில் நானே வெறுத்­துப் போனேன். ஏன் இப்­ப­டிச் செய்­கி­றாய் என்று அவ­ரி­டமே கேட்டு­விட்­டேன். அப்­போது அவ­ரும் மனம்­விட்­டுப் பேசி­னார். 'என்­னால் இந்­தக் கதா­பாத்­தி­ரத்­தின் சுமை­யைத் தாங்க முடி­ய­வில்லை. பல்­வேறு வகை­யில் மன அழுத்­தத்­துக்கு ஆளா­கி­றேன். ஒரு­வித மனப் பிறழ்வு ஏற்­பட்­ட­தாக உணர்­கி­றேன்' என்­றார். ஒரு இயக்கு­ந­ராக அவ­ரது நிலை­மை­யைப் புரிந்துகொண்­டேன்.

"அதன் பிறகு, 'இனி உங்­க­ளு­டன் எந்த வகை­யி­லும் மோத­மாட்­டேன் என்­றேன். இரு கைகள் தட்­டி­னால்­தான் ஓசை. இனி உங்­கள் கை மட்டுமே செயல்­படட்­டும்' என்று அவ­ரி­டம் கூறி­னேன்.

"பின்­னர் படப்­பி­டிப்பு சுமு­க­மாக நடை­பெற்­றது. கடைசி பத்து நாள்­களில் அவர் மிக­வும் அமை­தி­யா­கி­விட்­டார். அது ஓர் அசா­தா­ரண அமைதி. அப்­ப­டிப்­பட்ட பக்கு­வம் அவ­ரி­டம் ஏற்­பட்டு இருந்­தது.

"படப்­பி­டிப்­பின் கடைசி நாளன்று மொத்­தப் படக்­கு­ழு­வை­யும் திரட்டி சில விஷ­யங்­க­ளைப் பகிர்ந்துகொண்­டேன். நான் 12 படங்­களில் பணி­யாற்றி உள்­ளேன். அதில் நடித்த நடி­கர்­க­ளை­விட மிகச் சிறந்த நடி­க­ராக ஆண்ட்­ரி­யா­வைப் பார்க்­கி­றேன் என்­றேன். அவரை நடி­கர் என்­று­தான் குறிப்­பிட்­டேன்.

"அவர் கிளம்­பிச் சென்­ற­போது நானே அவ­ரது கார் கத­வைத் திறந்து­விட்டு வழி­ய­னுப்­பி­னேன். என்­னைப் பொறுத்­த­வரை தமிழ் சினிமா­வின் மிக முக்­கி­ய­மான, மேன்­மை­யான நடிகை என்று அவ­ரைக் குறிப்­பி­டு­வேன்.

"அண்­மை­யில் பின்­ன­ணிக் குரல் பதிவு முடிந்­த­வு­டன் என்னைக் கட்­டி­அணைத்­தார். இது­வரை நான் நடித்த கதா­பாத்­தி­ரங்­களில் இது மிக­வும் சிறப்­பா­னது. நல்ல படத்­தில் நடிக்க வாய்ப்பு தந்­த­தற்கு நன்றி என்­றார். அதைக் கேட்­ட­தும் எனக்­கும் கண்­கள் கலங்­கிப்­ போயின.

"ஆண்ட்­ரியா போன்ற அசா­தா­ரண நடிப்பை வழங்­கக்­கூ­டிய நாய­கியை இந்­திய சினிமா போற்­றிப் பாது­காக்க வேண்­டும்," என்கிறார் மிஷ்கின்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!