மாணவர் முரசு
இ-பேப்பர்
, :
நயன்தாரா
தமிழ் சினிமா முன்னணி நட்சத்திரங்கள் சிலர் கிறிஸ்துமஸ் பண்டிகையை சிறப் பாகவும் சிலர் எளிமையாகவும் கொண்டாடுகிறார்கள். ரசிகர்களும் அவர்களைப் பின்பற்றுகிறார்கள்.
சில நட்சத்திரங்கள் கிறிஸ்துவ மதத்தைச் சேராதவர்களாக இருந்தாலும் நண்பர்களையும் உறவினர்களையும் சந்தித்து, விருந்துண்டு மகிழ கிறிஸ்துமஸ் கொண்டாடுகிறார்கள்.
இந்தக் கொண்டாட்டங்களில் பல்வேறு சுவையான நிகழ்வுகளும் நடந்திருக்கின்றன. அதுபற்றி இந்த தொகுப்பில் பார்க்கலாம்.
உள்நாட்டிலும் வெளிநாட்டிலுமாக பறந்து பறந்து கிறிஸ்துமஸ் பண்டிகையைக் கொண்டாடுகிறார் நயன்தாரா.
எவ்வளவு பிரச்சினைகள் இருந்தாலும் கிறிஸ்துமஸ் பண்டிகையை மட்டும் மகிழ்ச்சியாகக் கொண்டாட நயன்தாரா தவறுவதில்லை.
டயானா குரியன் என்பதுதான் நயன்தாராவின் பிறப்புச் சான்றிதழில் இருந்த பெயர். நயன்தாரா என்பது சினிமாவுக்காக வைக்கப்பட்டது.
சில ஆண்டுகளுக்கு முன்பு அவர் இந்து மதத்துக்கு மாறியதாக தகவல் வெளியானது. அது இப்போது முக்கியம் அல்ல. அனைத்து மதங்களிலும் உள்ள நல்ல விஷயங்களை மதிப்பார் நயன்தாரா.
திருநெல்வேலி நெல்லையப்பர் கோவிலுக்குச் செல்வதை வழக்கமாகக் கொண்டுள்ளார்.
நெல்லையப்பரை வேண்டிய பிறகுதான் சினிமாவில் 'ஐயா' பட கதாநாயகி வாய்ப்பு வந்ததாக அசைக்க முடியாத நம்பிக்கை நயனுக்கு உள்ளது என்கிறார்கள் விவரம் அறிந்தவர்கள்.
கேரள கலாசார பண்டிகையான ஓணம் பண்டிகையை கொச்சி நகரில் உள்ள தனது 'வொய்ட் வாட்டர்' அடுக்குமாடி குடியிருப்பில் தன் குடும்பத்தாருடனும் தன் காதலர் விக்னேஷ் சிவனின் குடும்பத்தாருடனும் இணைந்து கொண்டாடுவார்.
ஆனால் அண்மைய சில ஆண்டுகளாக கிறிஸ்துமஸ் பண்டிகையைக் கொண்டாட, தன் காதலருடன் அமெரிக்கா சென்றுவிடுவதை வாடிக்கையாக வைத்திருக்கிறார்.
அப்படி கிறிஸ்துமஸ் சமயம் அமெரிக்கா போக முடியாவிட்டாலும்கூட இன்னொரு நாளில் அங்கு சென்று, காதலருடன் கொண்டாடி மகிழ்கிறார்.
எதிர்வரும் புத்தாண்டில் நயன்தாராவுக்கு திருமணம் நடைபெறும் என்பது கிட்டத்தட்ட உறுதியாகிவிட்டது.
எனவே, அடுத்த ஆண்டுக்குள் தாம் ஒப்புக்கொண்ட படங்கள் அனைத்திலும் நடித்து முடிக்கத் திட்டமிட்டுள்ளாராம். அடுத்த ஆண்டு கிறிஸ்துமஸ் இன்னும் களைகட்டும்!
(இடமிருந்து) மனைவி சங்கீதாவுடன் விஜய்.
மனைவி ஷாலினியுடன் அஜித்.
நடிகர் விஜய்யின் அம்மா ஷோபாவின் அப்பா நீலகண்டன் இந்து மதத்திலிருந்து கிறிஸ்தவ மதத்திற்கு மாறியவர். ஷோபாவை எஸ்.ஏ.சந்திரசேகர் காதலித்தார். இந்த காதல் நிறைவேற சந்திரசேகர் மதம் மாறினார்.
அதனால் பிறப்பிலேயே ஜோஸப் விஜய் என கிறிஸ்துவராகப் பிறந்தார் விஜய். இருப்பினும் கிறிஸ்தவ மத பண்டிகைகளையோ, இந்துமத பண்டிகைகளையோ வெளிப்படையாகக் கொண்டாடுவதில்லை விஜய். தன் குடும்பத்தாருடன் எளிமையாகக் கொண்டாடுவார்.
கிறிஸ்தவ குடும்பத்தைச் சேர்ந்த ஷாலினியைக் காதலித்து திருமணம் செய்து கொண்டவர் அஜித்.
அதனால் அஜித் குடும்பத்தார் வீட்டளவில் கிறிஸ்துமஸ் பண்டிகையைக் கொண்டாடுவர்.