மாணவர் முரசு
இ-பேப்பர்
தீரன் இயக்கத்தில் சத்யராஜ் நடிப்பில் உருவாகி உள்ளது 'தீர்ப்புகள் விற்கப்படும்' திரைப்படம்.
விரைவில் வெளியீடு காண உள்ள நிலையில், படத்தின் தலைப்பு சர்ச்சையைக் கிளப்பி உள்ளது.
இப்படத்தின் விளம்பர நிகழ்ச்சி யில் கலந்துகொண்ட முன்னாள் நீதிபதி சந்த்ருவும் காவல்துறை அதிகாரி திலகவதியும் தலைப்பை ஆதரித்துப் பேசினர். இதற்கு ஒரு தரப்பினர் எதிர்ப்பு தெரிவித்தனர்.
இந்நிலையில், இப்படம் வன்முறையைத் தூண்டாது என்றும் திரையரங்கில் படத்தைப் பார்த்த பிறகு படத்தின் தலைப்பு மிகப் பொருத்தமாக உள்ளது என்பதை ரசிகர்கள் நிச்சயம் உணர்வார்கள் என்றும் சத்யராஜ் கூறியுள்ளார்.
"நேர்மைமிக்க, அப்பாவி மக்களுக்கு ஆதரவாகச் சட்டங்கள் செயல்படுத்தப்பட்டால், எந்தவொரு சாமானியனும் சட்டத்தை தன் கையில் எடுக்க வேண்டிய அவசியம் எழாது. இந்தக் கருத்தை வலுவாக நியாயப்படுத்தும் வகையில் படம் உருவாகி உள்ளது," என்று சத்யராஜ் தெரிவித்துள்ளார்.
படத்தில் தமது கதாபாத்திரம் மிக வலுவானதாக அமைக்கப்பட்டுள்ளது என்று குறிப்பிட்டுள்ள அவர், கதையைக் கேட்ட உடனேயே படப்பிடிப்புக்குச் செல்ல வேண்டும் என்று தோன்றியதாகத் தெரிவித்துள்ளார். படம் விரைவில் வெளியீடு காண உள்ளது.