விஷால்: நல்ல திரைப்படத்தை கொடுக்கிறேன்

விஷா­லின் அடுத்த படம் விரை­வில் வெளி­யீடு காண உள்­ளது. அறி­முக இயக்­கு­நர் து.ப.சர­வ­ணன் இயக்கி உள்ள 'வீரமே வாகை சூடும்' என்ற அந்­தப் படத்தை தயா­ரித்­தி­ருப்­ப­தும் விஷால்தான்.

அண்­மை­யில் இப்­ப­டக்­கு­ழு­வி­னர் செய்­தி­யா­ளர்­களைச் சந்­தித்­த­னர். அப்­போது பேசிய விஷால், சர­வ­ணன் இயக்­கிய 'எது தேவையோ அதுவே தர்­மம்' என்ற குறும்­ப­டத்­தைப் பார்த்த பிறகே அவ­ரு­டன் பணி­யாற்ற விரும்­பி­ய­தா­கக் குறிப்­பிட்­டார்.

"அந்­தக் குறும்­ப­டம் என்னை வெகு­வா­கக் கவர்ந்­தது. அதன் காட்சி அமைப்­பும் பிடித்­தி­ருந்­த­தால் அவரைத் தொடர்புகொண்டு பாராட்டு தெரி­வித்­தேன்.

"நல்ல கதை­கள் இருப்­பின் எனக்­குச் சொல்­லும்­படி கேட்­டுக்கொண்­ட­தன் விளை­வு­தான் இந்­தப் படம். இதில் எனக்கு கதை­யை­விட, சர­வ­ணன் அமைத்­துள்ள திரைக்­க­தை­தான் மிக­வும் பிடித்­திருக்­கிறது.

"புது இயக்­கு­ந­ருக்­குள் இருக்­கும் வெறி­யும் வேக­மும் அவ­ரி­டம் உள்­ளன. அதைப் பயன்­படுத்தி ரசி­கர்­க­ளுக்கு ஒரு நல்ல திரைப்­ப­டத்தைக் கொடுத்­தி­ருக்­கி­றேன்.

"சர­வ­ண­னுக்கு மிகப்­பெ­ரிய எதிர்­கா­லம் காத்­தி­ருக்­கிறது என்­ப­தில் எனக்கு எந்­த­வித சந்­தே­கமும் இல்லை," என்­றார் விஷால்.

புது இயக்­கு­ந­ரின் படத்­தில் நடிப்­பது என முடிவு எ­டுத்­து­விட்­டால், யுவன் சங்­கர் ராஜா­தான் இசை­அமைப்­பா­ளர் என்று கூறு­வது இவ­ரது வழக்­க­மாம். அந்த வகை­யில் 'வீரமே வாகை சூடும்' படத்­துக்­கும் யுவன்­தான் இசை­ய­மைத்­துள்­ளார்.

யுவ­னி­டம் அனு­மதி பெறா­ம­லேயே தனது படத்­துக்கு அவர்­தான் இசை­ய­மைக்­கி­றார் என்று அறி­விக்­கும் அள­வுக்கு தமக்கு யுவ­னி­டம் உரி­மை­யும் நட்­பும் இருப்­ப­தா­கக் குறிப்­பிட்ட விஷால், யுவன் இசை­ய­மைக்­கும் அனைத்­துப் பாடல்­க­ளுமே ரசி­கர்­க­ளைக் கவ­ரக்­கூ­டி­யவை என்­றார்.

"இப்­ப­டத்­தின் கதா­நா­யகி டிம்­பிளை யாரும் நேரில் பார்க்­க­வில்லை. ஒரு விழா­வில் அவர் பங்­கேற்­ற­போது எடுக்­கப்­பட்ட புகைப்­ப­டங்­கள் கிடைத்­தன. அவற்­றைப் பார்த்­து­தான் படத்­துக்கு ஒப்­பந்­தம் செய்­தோம். தமிழ் சினிமா அவ­ருக்கு உரிய வர­வேற்பை அளிக்­கும் என நம்­பு­கி­றோம்.

"பொது­வாக நாய­கனை மையப்­படுத்தி உரு­வா­கும் ஒரு­சில படங்­களே வெற்­றி­பெ­றும். ஆனால் பெண் கதா­பாத்­தி­ரங்­க­ளுக்கு முக்­கி­யத்­து­வம் அளிக்­கும் அனைத்துப் படங்­க­ளுமே வெற்­றி­பெ­றும். அந்த வகை­யில் இந்­தப் பட­மும் வெற்­றி­பெ­றும் என நம்­பு­கி­றேன்," என்­றார் விஷால்.

முன்­ன­தாக பேசிய இயக்­கு­நர் சர­வ­ணன், பட­நா­ய­கன் விஷா­லின் ஆத­ரவு இல்லை என்­றால், தமக்கு இந்த வாய்ப்பு கிடைத்­தி­ருக்­காது என்­றார்.

இதற்­காக நன்றி தெரி­விப்­ப­தா­கக் குறிப்­பிட்ட அவர், விஷா­லி­டம் கதையைச் சொன்ன கையோடு, யுவன் சங்­க­ரி­டம் விவ­ரித்­ததா­கச் சொல்­கி­றார்.

"யுவன் சாரி­டம் சுமார் 30 நிமிட கதை என்று குறிப்­பிட்டுத்தான் விவ­ரிக்க ஆரம்­பித்­தேன்.

"ஆனால் ஒன்­றரை மணி நேரம் ஆனது. அவ­ருக்கு கதை பிடித்­தி­ருக்­கிறது என்­பதை விஷால் சார்­தான் தெரி­யப்­ப­டுத்­தி­னார்.

"யுவ­னின் நம்­பிக்கை­யைக் காப்­பாற்­றுங்­கள் என்று அவர் சொன்ன அறி­வுரை இந்த நிமி­டம் வரை என் மன­தில் அப்­ப­டியே உள்­ளது.

"அவ­ரது எதிர்­பார்ப்பை நிறை­வேற்றி இருப்­ப­தாக நம்­பு­கி­றேன்," என்­றார் இயக்கு­நர் து.ப.சர­வ­ணன்.

விஷால்

, :   

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!