மாணவர் முரசு
இ-பேப்பர்
கமல்ஹாசனின் ராஜ்கமல் இன்டர்நேஷனல் நிறுவனத்துடன் இணைந்து 'சோனி இந்தியா' நிறுவனம் தமிழில் திரைப்படங்களைத் தயாரிக்க உள்ளது.
இவர்களின் முதல் தயாரிப்பில் உருவாக உள்ள படத்தில் சிவகார்த்திகேயன் நடிக்க உள்ளார்.
கமல்ஹாசனுடன் ஏதேனும் ஒரு வகையில் இணைந்து ஒரு படத்தில் பணியாற்றுவது மகிழ்ச்சி அளிப்பதாக சிவகார்த்திகேயன் கூறுகிறார்.
இதற்கிடையே, விஜய் சேதுபதியை 'அடுத்த தலைமுறைக்கான நடிகர்' என்று பாராட்டி உள்ளார் கமல்ஹாசன். மேலும், நேற்று முன்தினம் சேதுபதியின் பிறந்தநாளையொட்டி வாழ்த்தும் தெரிவித்துள்ளார்.
சந்தையின் பின்னே போகாமல் தனக்கென ஒரு தேடலைக் கொண்டிருப்பவர் தம்பி விஜய் சேதுபதி. கதையின் நாயகனாகத் தன்னை முன்னிறுத்திக் கொள்ளும் அடுத்த தலைமுறையினரில் முக்கியமானவர். அவரது தேடலும் துணிச்சலும் வீண் போகாது," என கமல் பாராட்டி இருப்பது விஜய் சேதுபதியை நெகிழ வைத்துள்ளது.