மாணவர் முரசு
இ-பேப்பர்
சிவகார்த்திகேயன் கைவசம் 'டான்', 'அயலான்', 'சிங்கப்பாதை' போன்ற படங்கள் உள்ளன. இதுதவிர 'ரங்கூன்' பட இயக்குநர் ராஜ்குமாருடன் ஒரு படம், 'பிச்சைக்காரன்' பட இயக்குநர்
சசியுடன் ஒரு படம் என அடுத்தடுத்து பல படங்களில் நடித்து வருகிறார். மேலும் இந்த ஆண்டு டோலிவுட்டிலும் அறிமுகமாக உள்ளார் சிவா.
'அயலான்' படம் மிகப்பிரம்மாண்டமாக தயாராகி வருகிறது. இப்படத்தை 'இன்று நேற்று நாளை' படத்தின் இயக்குநர் ரவிக்குமார் இயக்கி உள்ளார். இப்படத்தில் சிவகார்த்திகேயனுக்கு ஜோடியாக நடிகை ரகுல் பிரீத் சிங் நடித்துள்ளார்.
நீரவ் ஷா ஒளிப்பதிவு செய்துள்ள இப்படத்திற்கு
ஏ.ஆர்.ரகுமான் இசையமைக்கிறார். எடிட்டர் ரூபன் படத்
தொகுப்பு பணிகளை கவனிக்கிறார்.
இவ்வாறு பலமான ஒரு குழுவுடன் தயாராகிவரும் இப்படத்தில் 'கிராபிக்ஸ்' காட்சிகள் 'ஹாலிவுட்' தரத்தில் இருக்கும் என எடிட்டர் ரூபன் தெரிவித்துள்ளார்.
சிவாவின் திரை வாழ்க்கையில் முக்கியமான படமாகவும் சினிமாவில் அவரை அடுத்த கட்டத்திற்கு கொண்டு செல்லும் படமாகவும் 'அயலான்' அமையும் என தெரிவித்துள்ளார்.
இப்படத்தில் சிவகார்த்திகேயனுடன் ஏலியன் கதாபாத்திரம் ஒன்று இடம்பெற்றிருக்கிறது.
அந்த வேடத்தை நவீன தொழில்நுட்பம் மூலம் வடிவமைத்து உள்ளார்கள்.
இது படத்திற்கு பெரிய வரவேற்பைத் தரும் என்றும் ரூபன் தெரிவித்துள்ளார்.
அதனால் அவரின் ரசிகர்கள் அயலானுக்காக ஆவலுடன் காத்திருக்கிறார்கள்.