எதற்கும் துணிந்த சூர்யா

சன் பிக்­சர்ஸ் தயா­ரிக்க, பாண்­டி­ராஜ் இயக்­கத்­தில் சூர்யா நடித்து வரும் படம் 'எதற்­கும் துணிந்­த­வன்'.

தமிழ், தெலுங்கு, மலை­யா­ளம், கன்­ன­டம், இந்தி என ஐந்து மொழி­களில் உரு­வா­கிறது இப்­ப­டம்.

இந்­தக் கதையில் பல திருப்பங்கள் உள்­ளன என்­றும் சூர்­யா­வின் நடிப்பு தம்மை வியக்க வைத்­தது என்­றும் சொல்­கி­றார் பாண்­டி­ராஜ். இந்­தத் தலைப்பை தேர்வு செய்­த­தற்­கான கார­ணத்­தை­யும் அண்­மைய பேட்­டி­யில் அவர் விவ­ரித்­துள்­ளார்.

"ஒவ்­வொ­ரு­வ­ருக்­கும் வாழ்க்­கை­யில் பல்­வேறு கட்­டங்­களில் ஏதே­னும் ஒரு விஷ­யம் தொடர்­பாக முடி­வெ­டுக்க வேண்­டிய கட்­டா­யம் ஏற்­படும். ஆனால், எல்­லோ­ரா­லும் சரி­யான முடிவை எடுக்க முடி­யாது.

"இந்­தக் கதை­யின் நாய­க­னும் இப்­ப­டி­யொரு சூழ்­நி­லையை எதிர்­கொள்­கி­றான். அப்­போது தன் முடி­வால் ஏற்­ப­டக்­கூ­டிய விளை­வு­கள் குறித்து கவ­லைப்­ப­டா­மல் எதற்­கும் துணிந்­த­வ­னா­கச் செயல்­ப­டு­கி­றான். அத­னால் இந்­தத் தலைப்பு கதை­யு­டன் இயல்­பா­கவே பொருந்­திப்­போ­கிறது. கதை­யோட்­ட­மும் அப்­ப­டித்­தான் இயல்­பாக இருக்­கும்.

"'எதற்­கும் துணிந்­த­வன்' என்­றால் நல்ல விஷ­யத்­துக்­காக எந்த நிலைக்­கும் போகக்­கூ­டி­ய­வன். சொந்­தங்­க­ளுக்­கா­கவோ மக்­க­ளுக்­கா­கவோ தான் சார்ந்த ஊருக்­கா­கவோ நல்­லது நடக்­கும் என்­றால் எதை­யும் செய்­யத் தயங்­கா­த­வன் என் கதை­யின் நாய­கன்.

"அவ­னது இந்த குணா­தி­ச­யத்தை வெளிப்­ப­டுத்­தும் வகை­யில் ஒரு தலைப்பு தேவைப்­பட்­டது. அந்த வகை­யில் இந்­தக் கதைக்­கும் சூர்யா சாருக்­கும் பொருத்­த­மான தலைப்பு இது," என்­கி­றார் பாண்­டி­ராஜ்.

இது சூர்­யா­வின் ரசி­கர்­களை மட்­டு­மல்­லா­மல், குடும்­ப­மா­கச் சென்று படம் பார்ப்­ப­வர்­க­ளுக்­கும் ஏற்ற மாதி­ரி­யான படைப்­பாக இருக்­கும் என்று குறிப்­பி­டு­ப­வர், தாம் இயக்­கிய படங்­களில் இருந்து வெகு­வாக மாறு­பட்ட பட­மாக இது இருக்­கும் என்­கி­றார்.

"இது கண்­டிப்­பாக சூர்யாவின் பட­மா­கவே இருக்­கும். ஆனால், எனது படங்­க­ளின் மற்ற கதா­நா­ய­கர்­க­ளி­டம் இருந்து மாறு­பட்டு இருப்­பார் சூர்யா.

"முதன்­மு­றை­யாக எனது படத்­தில் அதிக சண்­டைக்­காட்­சி­கள் இடம்­பெற்­றுள்­ளன. சூர்­யா­வின் ரசி­கர்­க­ளின் எதிர்­பார்ப்­புக்கு ஏற்ப கொண்­டாட்­டம் நிறைந்த பட­மாக இருக்­கும். அதே­ச­ம­யம், எனது படங்­கள் அனைத்­துமே குடும்ப ரசி­கர்­க­ளுக்­கா­னவை. அத­னால் அவர்­களும் மன­நி­றைவு கொள்­ளும் வகை­யில் இருக்­கும்," என்­கி­றார் பாண்­டி­ராஜ்.

பக்­கத்து வீட்­டுப் பெண்­ணைப் போன்ற தோற்­றம், இளை­யர்­க­ளைக் கவ­ரும் அழகு என்ற விதி­மு­றை­க­ளுக்கு ஏற்­ற­வ­ராக கதை­யின் நாயகி பிரி­யங்கா அமைந்­தார் என்­றும், ஏற்­றுக்­கொண்ட கதா­பாத்­தி­ரத்­துக்கு ஏற்ப தன்னை மாற்­றிக்­கொள்­ளும் திறமை அவ­ரி­டம் உள்­ள­தா­க­வும் பாண்­டி­ராஜ் பாராட்­டு­கி­றார். அவ­ருக்­கும் சூர்­யா­வுக்­கும் இடை­யே­யான காதல் காட்­சி­கள் அனை­வ­ரா­லும் ரசிக்­கும்­படி இருக்­கும் என்­றும் சொல்­கி­றார்.

இந்­தப் படத்­தில் சூர்­யா­வு­டன் மோதும் வில்­லன் வினய். வலு­வான நாய­க­னுக்கு எதி­ரான ஒரு வில்­லன் தேவை என்று யோசித்­த­போது வினய்­தான் தனது நினை­வுக்கு வந்­த­தா­கச் சொல்­கி­றார் பாண்­டி­ராஜ்.

"அழுத்­த­மான கதை­யில் நாய­கன் அள­வுக்கு வில்­லன் கதா­பாத்­தி­ர­மும் வலு­வாக இருக்க வேண்­டும். எனவே, வினய் பொருத்­த­மாக இருப்­பார் என்று நினைத்­தேன். மேலும், இது­வரை வராத வில்­ல­னா­க­வும் இருக்க வேண்­டும் என விரும்­பி­னேன்.

"வினய்­யைப் பொறுத்­த­வரை அவ­ரு­ட­னான முதல் சந்­திப்­பி­லேயே என்­னைக் கவர்ந்­து­விட்­டார். அவரது நடிப்பு மட்­டு­மல்ல, குர­லும் வசீ­க­ரிக்­கும். முதல் நாள் படப்­பி­டிப்­பின்­போதே எங்­க­ளது தேர்வை அவர் நியா­யப்­ப­டுத்­தி­விட்­டார்.

"நாம் எல்­லாம் தேர்­வில் நூற்­றுக்கு 35 மதிப்­பெண்­கள் பெற்­றால் தேர்ச்சி பெற்­ற­தாக ஒப்­புக்­கொள்ள மாட்­டார்­கள். 85 மதிப்­பெண்­கள் பெற்­றால்­தான் அங்­கீ­கா­ரம் கிடைக்­கும்.

"அந்த அள­வுக்கு கடு­மை­யாக உழைக்க வேண்­டும் என்று சூர்யா சார் அடிக்­கடி சொல்­வார். ஒவ்­வொரு படத்­தின் வெற்­றிக்­கா­க­வும் கடு­மை­யாக உழைக்­கி­றார். அந்த உழைப்பு என்னை வெகுவாக கவர்ந்துள் ளது," என்கி றார் பாண்டிராஜ்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!