மாணவர் முரசு
இ-பேப்பர்
ஒருவழியாக எச்.வினோத் இயக்கத்தில் உருவான 'வலிமை' படத்தின் வெளியீட்டுத் தேதி அறிவிக்கப்பட்டுவிட்டது. மேலும், அஜித்தின் அடுத்த படத்தையும் வினோத் தான் இயக்குவார் என்பது உறுதியாகிவிட்டது.
இந்நிலையில், இப்படத்தில் அதிதி ராவ் நாயகியாக நடிக்க இருப்பதாகத் தகவல் வெளியாகி உள்ளது. தற்போது தனுஷுடன் இன்னும் தலைப்பு வைக்கப்படாத படத்தில் நடித்து வருகிறார் அதிதி ராவ்.
அதன் படப்பிடிப்பு முடிந்ததும் 'அஜித் 61' படத்தில் இணைய உள்ளார். இதையடுத்து புதுப் படத்துக்கான வேலைகளைத் தொடங்கி உள்ளார் வினோத். மற்ற இயக்குநர்களைப் பின்பற்றி பெரிய தங்குவிடுதியில் சில அறைகளை வாடகைக்கு எடுத்து கதையை உருவாக்குவதில் இவருக்கு விருப்பம் இல்லையாம்.
காலை, மாலை, இரவு நேரங்களில் நீண்டதூர நடைப்பயணங்களை மேற்கொள்கிறார். அப்போது தோன்றும் யோசனைகளை உடனடியாக தமது கைபேசியில் பதிவு செய்துகொள்கிறார். உதவி இயக்குநர்கள் இருந்தாலும், முன்கூட்டியே கதையை ஓரளவு தயார் செய்த பின்தான் கதை விவாதத்தையே தொடங்குவாராம்.
படப்பிடிப்பை அடுத்த மாதம் தொடங்கலாம் என்று அஜித் பச்சைக்கொடி காட்டியுள்ளதாகத் தகவல்.