துள்ளல் இசை தந்த பப்பி லஹரி காலமானார்

இந்தி இசையமைப்பாளர் பப்பி லஹரி மும்பையில் நேற்று முன்தினம் காலமானார். அவருக்கு வயது 69.

இந்­தி­யில் ஏரா­ள­மான படங்­க­ளுக்கு இசை­ய­மைத்­துள்ள அவர், தமி­ழில் ரஜினி நடித்த 'தாய்­ வீடு', 'ஆபூர்வ சகோ­த­ரி­கள்', 'கிழக்கு ஆப்­பி­ரிக்­கா­வில் ஷீலா' உள்­ளிட்ட சில படங்­க­ளுக்கு இசை­ய­மைத்­தார்.

இந்­தித் திரை­யு­ல­கில் கோலோச்­சிய பப்பி லஹ­ரி­யின் துள்­ள­லான 'டிஸ்கோ' ரகப் பாடல்­க­ளுக்கு அன்றைய முன்­னணி கதா­நா­ய­கர்­கள் பலர் நட­ன­மாடி உள்­ள­னர். அவ­ரது இசை­ய­மைப்­பில் உரு­வான படங்­களில் ஒரு 'டிஸ்கோ' பாட­லா­வது இருக்க வேண்­டும் என்று இயக்­கு­நர்­களும் கதா­நா­ய­கர்­களும் கேட்­டுப் பெற்­ற­னர்.

இந்­தி­யில் இவர் இசை­ய­மைத்த 'டிஸ்கோ டான்­சர்' படம் தமி­ழில் 'பாடும் வானம்­பாடி' என்ற பெய­ரில் வெளி­யா­னது. இப்­ப­டத்­தில் இடம்­பெற்ற அனைத்து பாடல்­களும் பெரும் வர­வேற்­பைப் பெற்­றன.

குறிப்­பாக 'நான் ஒரு டிஸ்கோ டான்­சர்', 'வாழும்­வரை போராடு' ஆகிய பாடல்­கள் 1980களில் தமி­ழ­கத்­தில் உள்ள கல்­லூ­ரி­களில் நடை­பெ­றும் கலை விழாக்­களில் தவ­றா­மல் ஒலித்­தன.

'பாடும் வானம்­பாடி' படத்தை காலஞ்­சென்ற நடி­கர் நாகேஷ் சொந்­த­மா­கத் தயா­ரித்­தார். தன்­னைப் போன்றே சிறப்­பாக நட­ன­மா­டக்­கூ­டிய தன் மகன் ஆனந்த்­பா­புவை நட­னம் சம்­பந்­தப்­பட்ட படத்­தின் மூலம் அறி­மு­கம் செய்ய அவர் விரும்­பி­னார். அதற்கு பப்பி லஹ­ரி­யின் இசை கைகொ­டுக்­கும் என்று அவர் நம்­பி­னார்.

அதற்­கேற்ப அந்­தப் படத்­தின் பாடல்­கள் தமிழ் ரசி­கர்­க­ளால் கொண்­டா­டப்­பட்­டன.

பல்­வேறு நோய்­க­ளுக்­காக ஒரு மாத­மாக மருத்­து­வ­ம­னை­யில் தங்கி சிகிச்சை பெற்று வந்த பப்பி லஹரி, கடந்த திங்­கட்­கி­ழ­மை­தான் வீடு திரும்­பி­னார். ஆனால் செவ்­வாய்க்­கி­ழமை அவர் உடல்­நிலை மீண்­டும் மோச­மா­னது. தூக்கத்தில் மூச்­சுத்­தி­ண­றல் ஏற்­படும் நோய் அவ­ரது மர­ணத்­துக்­குக் கார­ண­மா­கக் கூறப்­ப­டு­கிறது. அவ­ரது மறை­வுக்கு இந்­தித் திரை­யு­ல­கத்­தி­னரும் அரசியல் தலைவர்களும் இரங்­கல் தெரி­வித்­துள்­ள­னர்.