மாணவர் முரசு
இ-பேப்பர்
லோகேஷ் கனகராஜ் இயக்கத்தில் கமல், விஜய் சேதுபதி, பகத் ஃபாசில் ஆகிய மூவரும் முக்கிய கதாபாத்திரங்களில் நடித்து வரும் படம் 'விக்ரம்'.
இதன் இறுதிக்கட்ட படப்பிடிப்பு சென்னையில் நடைபெற உள்ளது.
தனது படங்களில் நாயகனையும் வில்லனையும் இறுதிக்கட்டத்தில்தான் சந்திக்க வைப்பார் லோகேஷ். 'விக்ரம்' படத்திலும் அப்படித் தானாம்.
கமலும் சேதுபதியும் தங்களுக்குரிய தனிக் காட்சிகளில் நடித்து முடித்துவிட்டனர். இதை யடுத்து இருவரும் நேருக்கு நேர் மோதும் காட்சிகளும் காரசாரமாகப் பேசும் வசனங்களும் படமாக்கப்பட உள்ளன. பகத் ஃபாசில் இதில் வில்லனா அல்லது நாயகனின் நண்பனா என்பது தெரியவில்லை.
ஓய்வுபெற்ற காவல்துறை அதிகாரி ஒருவர் மேற்கொள்ளும் ரகசிய நடவடிக்கையின்போது எதிர்கொள்ளும் ஆபத்துகளை அவர் எப்படிச் சமாளிக்கிறார் என்பதுதான் கதையாம்.
மார்ச் மாத தொடக்கத்தில் படப்பிடிப்பை முடித்து ஏப்ரல் 28ஆம் தேதி படத்தை வெளியிட படக்குழுவினர் திட்டமிட்டுள்ளனர்.