மாணவர் முரசு
இ-பேப்பர்
அஜித் நடித்துள்ள 'வலிமை' திரைப்படம் தமிழகத்தில் மட்டும் முதல் நாளன்று ரூ.36 கோடி ரூபாய் வசூலித்துள்ளதாகத் தகவல். சென்னையில் மட்டுமே அதன் வசூல் ரூ.1.82 கோடியாம்.
இதுவரை வெளியான அஜித் படங்களில் ஆக அதிகமான வசூலைக் கண்டுள்ள படம் இதுதான் என்கிறார்கள். அதுமட்டுமல்ல, 'அண்ணாத்த', 'மாஸ்டர்' ஆகிய படங்களின் முதல்நாள் வசூல் சாதனையையும் 'வலிமை' படம் முறியடித்துள்ளதாக ரசிகர்கள் மத்தியில் பேசப்படுகிறது.
வெளிநாடுகளில் சிறப்புக் காட்சிகளின் மூலம் சுமார் இரண்டு கோடி ரூபாய் வசூல் கண்டுள்ளதாகவும் ஒரு தகவல் வெளியாகி உள்ளது.
விறுவிறுப்பை அதிகரிக்க படத்தில் இருந்து 12 நிமிடங்கள் ஓடக்கூடிய காட்சிகளை நீக்கியுள்ளனர். இந்நிலையில், வழக்கம்போல் இப்படத்தின் வசூல் குறித்து அஜித், விஜய் ரசிகர்கள் மத்தியில் சமூக ஊடகங்களில் மோதல் வெடித்துள்ளது.
'வலிமை' படம் வசூலில் சாதிக்கவில்லை என்று விஜய் ரசிகர்களும் தமிழ்த் திரையுலகில் வசூல் அளவில் முதலிடம் அஜித்துக்குத்தான் என்று அவரது ரசிகர்களும் சமூக ஊடகங்களில் பதிவிட்டு வருகின்றனர்.