மாணவர் முரசு
இ-பேப்பர்
அஜித்தின் 'வலிமை' படம் வெளியீடு காண்பதற்காக பல தமிழ்ப் படங்கள் காத்திருந்தன. 'வலிமை' படம் வெளியாகி வசூலைக் குவித்து வரும் நிலையில், இதுவரை காத்திருந்த படங்களின் வெளியீட்டுத் தேதி வரிசையாக அறிவிக்கப்பட்டு வருகின்றன.
அந்த வகையில் அஜய் ஞானமுத்து இயக்கத்தில் விக்ரம் நடித்துள்ள 'கோப்ரா' படம் மே 26ஆம் தேதி வெளியாக உள்ளதாக அறிவிக்கப்பட்டுள்ளது.
"ரசிகர்கள் இன்னும் மூன்று மாதங்கள் காத்திருக்க வேண்டும்," என்று இயக்குநர் அஜய் ஞானமுத்து டுவிட்டரில் குறிப்பிட்டுள்ளார். வெளியீடு தாமதமானாலும் இந்தப் படம் விக்ரம் ரசிகர்களின் அனைத்துவிதமான எதிர்பார்ப்புகளையும் நிறைவேற்றும் வகையில் இருக்கும் என்று அவர் உறுதி அளித்துள்ளார்.
"இந்தப் படத்தில் விக்ரம் ஏழு வெவ்வேறு தோற்றங்களில் நடித்துள்ளார். இதற்காக அவர் எதிர்கொண்ட சவால்களும் சிரமங்களும் என்னை வியக்க வைத்தன. படத்தை திரையில் காணும் அனைவருமே விக்ரம் நடிப்புக்காகவும் அவரது அர்ப்பணிப்புக்காகவும் பாராட்டுவார்கள்," என்கிறார் அஜய் ஞானமுத்து.
சிவகார்த்திகேயன் நடிக்கும் 'டான்' திரைப்படம் வரும் 25ஆம் தேதி வெளியாகிறது.
நடிகர் அருண் விஜய் தற்போது இயக்குநர் ஹரி இயக்கத்தில் 'யானை' திரைப்படத்தில் நடித்துள் ளார். இதில் அவருக்கு ஜோடியாக நடித்துள்ளார் பிரியா பவானி சங்கர். இப்படம் மே 6ஆம் தேதி வெளியீடு காண உள்ளது.
விஜய் நடித்துள்ள 'பீஸ்ட்', ராஜமௌலியின் 'ஆர்ஆர்ஆர்' போன்ற பிரம்மாண்டப் படங்களும் அடுத்தடுத்து வெளியீடு காண உள்ளதால் சினிமா ரசிகர்கள் உற்சாகத்தில் இருக்கின்றனர்.