மாணவர் முரசு
இ-பேப்பர்
ரஜினிகாந்தின் 169வது படம் குறித்த தகவல்கள் இப்போதே ரசிகர்களின் கவனத்தை ஈர்த்து வருகின்றன.
இந்தப் படத்தை வில்சன் திலிப்குமார் இயக்குவது முடிவாகிவிட்டது. அவர் படத்துக்கு ஆங்கிலத் தலைப்பை வைக்க விரும்புவதாக கூறப்படும் நிலையில், ரஜினி ரசிகர்கள் அது குறித்து சமூக ஊடகங்களில் விவாதித்து வருகிறார்கள்.
ஆளாளுக்கு ஒரு தலைப்பை வெளியிட்டுக்கொண்டிருக்க, படத்தின் தயாரிப்புத் தரப்பு ஐந்து தலைப்புகளைத் தேர்வு செய்து ரஜினியின் ஒப்புதலுக்கு அனுப்பி வைத்துள்ளதாம்.
அதில், 'பாஸ்' என்ற தலைப்பு இடம்பெற்றுள்ளதாகவும் அநேகமாக அதைத்தான் ரஜினி தேர்வு செய்வார் என்றும் கூறப்படுகிறது.
இதற்கிடையே, ரஜினியுடன் இந்தப் படத்தில் சிவகார்த்திகேயனும் இணைவார் என்றும் கோடம்பாக்கத்தில் ஒரு தகவல் உலா வருகிறது.
இயக்குநர் நெல்சன் திலிப்குமாரும் சிவாவும் நெருக்கமான நண்பர்கள். அந்த அடிப்படையில்தான் 'பீஸ்ட்' படத்தில் ஒரு பாடலை எழுதினார் சிவா.
இந்நிலையில், ரஜினி படத்தில் கூடுதலாக அவர் நடிக்கவும் செய்வார் என்று எதிர்பார்க்கப்படுகிறது.
சிவாவும் அடுத்தடுத்து நாயகனாக நடிப்பதால் ரஜினி படத்தில் அவர் சிறிய வேடத்தை மட்டும் ஏற்பார் என்றும் கூறப்படுகிறது.
இதற்கிடையே, சிவகார்த்திகேயன் நடிக்கும் புதிய படத்தில் அவருக்கு ஜோடியாக நடிக்க சமந்தாவிடம் பேச்சுவார்த்தை நடந்து வருவதாகத் தகவல்.
சமந்தா தரப்பில் பெரிய தொகை சம்பளமாக கேட்கப்பட்ட போதும் படத்தின் தயாரிப்பாளர் சிவா என்பதால் உடனே ஏற்றுக்கொள்ளப்பட்டதாம். இந்த ஆண்டு இறுதியில் படப்பிடிப்பு தொடங்கும் என எதிர்பார்க்கப்படுகிறது. இது குறித்த அதிகாரபூர்வ அறிவிப்பு விரைவில் வெளியாகக்கூடும்.