மாணவர் முரசு
இ-பேப்பர்
அஜித் படத்தில் விஜய் பணியாற்றுகிறார் என்று சமூக ஊடகங்களில் ஒரு தகவல் பரவியதுமே, இருவரது ரசிகர்கள் மத்தியிலும் பரபரப்பும் எதிர்பார்ப்புகளும் அதிகரித்துவிட்டன.
'வலிமை' படத்தின் வெற்றியை அடுத்து தனது அடுத்த படத்தில் அஜித் கவனம் செலுத்தி வருகிறார்.
இந்தப் புதிய படத்திலும் சமூக அக்கறையுடன் கூடிய ஒரு நல்ல தகவலைச் சொல்லப்போகிறாராம் இயக்குநர் ஹெச்.வினோத்.
படத்துக்கு இன்னும் தலைப்பு வைக்கப்படவில்லை என்பதால் 'ஏகே 61' என்று தற்காலிகமாக குறிப்பிடுகின்றனர். முதற்கட்ட படப்பிடிப்பு ஹைதராபாத்தில் உள்ள ராமோஜிராவ் திரைப்பட நகரில் நடைபெறுகிறது.
சென்னை அண்ணாசாலையில் உள்ள ஜெமினி மேம்பாலத்தைப்போல் பிரம்மாண்டமான அரங்கு அமைக்கப்பட்டு, முக்கிய காட்சிகள் படமாக்கப்பட்டு வருகின்றன.
இந்தப் படத்தில் மீண்டும் எதிர்மறை வேடத்தில் நடிக்க உள்ளாராம் அஜித். ஆனால் கொடூர, வில்லத்தனம் ஏதும் பண்ணமாட்டார்.
"வங்கிக் கொள்ளைச் சம்பவம், அதில் சம்பந்தப்பட்ட கொள்ளையர்கள், அவர்களை வழிநடத்தும் ஒரு தலைவன் என்று கதை நகரும். சூர்யாவின் 'அயன்' படத்தில் அவர் பல்வேறு தோற்றங்களுடன் ஒரு பாடலில் நடித்திருப்பார். அதுபோன்று 'ஏகே 61' படத்தில், அஜித்தும் பல தோற்றங்களில் நடிக்க உள்ளார்.
"அஜித் ஜோடியாக இந்தி நடிகை தபு நடிப்பார் என்று வெளியான தகவலை படக்குழுவினர் மறுத்துள்ளனர். கதாநாயகி யார் என்பதை இன்னும் முடிவு செய்யவில்லை. அநேகமாக அஜித்துடன் ஏற்கெனவே நடித்த ஒருவரை மீண்டும் ஒப்பந்தம் செய்ய அதிக வாய்ப்புள்ளது," என்கிறார்கள் கோடம்பாக்கத்து விவரப் புள்ளிகள்.
மற்றபடி, தொழில்நுட்பக் குழுவில் பெரிய மாற்றங்கள் இல்லை. வலிமையில் பணியாற்றிய நீரவ் ஷா ஒளிப்பதிவைக் கனிக்க ஜிப்ரான் இசையமைத்துள்ளார். சரி, இப்படத்தில் விஜய் என்ன செய்யப்போகிறார்?
"இதற்கு முன்பு 'வலிமை'யில் படத்தொகுப்பு பணிமை மேற்கொ்ணடவர் விஜய் வேலுக்குட்டி. மூன்று மணி நேரம் ஓடக்கூடிய படத்தை எந்த இடத்திலும் தொய்வு ஏற்படாமல் அவர் பணியாற்றிய விதம் அஜித்துக்கு மிகவும் பிடித்துப்போனதாம்.
அதனால் 'ஏகே 61' படத்திலும் விஜய் வேலுக்குட்டிதான் எடிட்டர்.